Trending
Tuesday, April 29, 2025
काठमाडौं महानगरपालिकाले रानीपोखरी सर्वसाधारणको लागि खुला गरेको छ । रानीपोखरी पुनस्र्निर्माणपछि बुधबारबाट पहिलोपटक सर्वसाधारणको लागि खुला गरिएको हो ।
महानगरले रानीपोखरीमा विनाटिकट सर्वसाधारण अवलोकन गर्न पाउने व्यवस्था मिलाएको कामपाका प्रवक्ता नवीन मानन्धरले जानकारी दिनुभयो । उहाँले भन्नुभयो, ‘पुनर्निर्माणपछि महानगरले बारम्बार सर्वसाधारणलाई खुलाउन पहल गर्दै आएको थियो । बुधबारबाट भने औपचारिक रुपमा खुलेको छ’ ।
२०७२ को भूकम्पले क्षतिग्रस्त रानीपोखरीलाई पुरानै स्वरुपमा पुनर्निर्माण गरीएको छ । तत्कालीन राष्ट्रिय पुनर्निर्माण प्राधिकरणले महानगरलाई ८ पुस २०७८ मा रानीपोखरी हस्तान्तरण गरेको थियो । तर, सर्वसाधारणका लागि खुला गरिएको थिएन ।
महानगर प्रहरीले सरसफाइ गरेपछि बुधबारबाट सर्वसाधारणको लागि खुलाईएको हो ।
