बिपन्न समुदायका बालबालिका पढ्ने अवसरबाट बञ्चित हुन थालेपछि गाउँका स्कुलमा शिक्षण सिकाईलाई प्रभावकारी बनाउन थालिएको छ । गाउँ केन्द्रीत शिक्षा नीति सरकारी नारामा मात्र सिमित भएको भन्दै संखुवासभाको दुर्गम क्षेत्रका स्थानीयबासिन्दा भने आफ्नो स्कुल आफै सुधारौ अभियानमा लागेका छन् ।

शहर केन्द्रीत शिक्षामा सबैको आकर्षण बढ्दै जाँदा संखुवासभाको दुर्गम चैनपुर भ्यागुते ढुंगास्थित रहेको बालविकास आधारभुत स्कुलले भने गाउँघरकै स्कुलमा आकर्षण बढ्ने गरी पढाई सञ्चालन गरेको छ । दुर्गम क्षेत्रमा पिछडिएको र आर्थिक रुपले अति बिपन्न दलित र तामाङ समुदायका बालबालिका पढ्ने स्कुल भएकाले पनि जनस्तरबाटै स्कुलको सुधार थालिएको हो ।

स्कुलमा आर्थिक अवस्था अति कमजोर हुँदा अभिभावकले आर्थिक चन्दा दिन नसक्दा अभिभावक आफै र विद्यार्थीेले श्रमदानबाट स्कुल बनाएपछि अहिले स्कुलले आफ्नो बार्षिकोत्सव मनाउन पाउँदा अभिभावक पनि दंग छन् । स्कुल बनाउन र शिक्षामा दाताको मुख ताक्ने प्रवृति बढ्दै जादा स्थानीय आफै जुटे के हुँदैन र भन्ने उदाहरण बालबिकास आधारभुत विद्यालयले देखाएको कोशी प्रदेशकी पूर्व सांसद सरीता खड्का बताउनुहुन्छ ।

श्रमदानबाट स्कुल बनाएपछि अहिले यो विद्यालयमा बालबालिकाको आकर्षण पनि बढ्दै गएको छ । सहर र दुर्गम गाउँका स्कुलमा हुने पढाईको विभेदका कारण गाउँका बालबालिका कमजोर हुने हुँदा शहर केन्द्रीत शिक्षाको आकर्षण बढेको हो । तर, यो स्कुलले भने गाउँका बालबालिका तिक्ष्ण हुने र शहरको तुलनामा गाउँका बालबालिकाको शिक्षामा गुणस्तरीयता ल्याउन सकिने भन्दै पढाईलाई प्रभावकारी बनाउदै लगेको छ । स्कुलका प्रधानाध्यापक सुरेन्द्र तामाङले शिक्षा बालबालिकाको अधिकार भएकाले पनि पिछडिएको समुदायको वस्ती बस्ती पुगेर बालबालिकालाई स्कुल जानुपर्छ भन्ने वातावरण सृजना गरेको बताउनुहुन्छ । उहाँले अंग्रेजी माध्यमबाट पठनपाटन गरेको हुनाले विद्यालयतर्फ आकर्षण बढेको प्रधानाध्यापक तामाङ बताउनुहुन्छ ।

त्यसो त, गाउँका स्कुलमा छोरीमा हुने बिभेद अन्त्य गर्न पनि यो विद्यालयको व्यवस्थापन समितिको अध्यक्ष नि महिला हुनुहुन्छ, लक्ष्मीमायाँ अधिकारी । र पनि हुन सक्छ महिलाहरुको जनश्रमदानबाटै यो स्कुल बन्यो र अहिले स्कुल जाने बालिकाको संख्या पनि बढ्दै गएको देखिन्छ ।

आफ्ना छोराछोरीलाई गाउँकै स्कुलमा पढाउन बिहानै कुटो, कोदालो, झ्याम्पल लिएर श्रमदान गरेर गाउँकै स्कुलमा पढाउने गाउँलेहरुको सपना पनि पुरा भएको छ । विद्यालय व्यवस्थापन समितिकी अध्यक्ष लक्ष्मीमायाँ अधिकारीले गाउँबाटै शिक्षामा सुधार आवश्यक रहेको भन्दै नमुना विद्यालय बनाउन र विद्यालय सुधार गर्न पनि अहिले गाउँमा महिलाहरुको भूमिकाबाट मात्रै सम्भव हुने बताउनभयो ।

विद्यालय बनाउने महिलाहरुको उत्साह देखेर स्कुल बनाउन सहयोग गर्ने दाताहरुको संख्या पनि बढ्दै गएको छ । बालबालिकाको सरसफाई, कपाल काट्ने, नङ काट्ने र स्थानीय उत्पादनको दिवा खाजाको व्यवस्थाले यो दलित बस्तीका बालबालिकाको विद्यालयप्रतिको आकर्षण झनै बढ्दै गएको छ ।

 

बिहिबार, २ चैत्र, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

अन्तरपालिका स्तरिय फुटसल प्रतियोगिताको उपाधि धर्मदेबीलाई

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा