संखुवासभामा खुल्ला आर्चरी प्रतियोगिता हुँदै

जिल्लाको सदरमुकाम खाँदबारीमा दोस्रो जिल्लास्तरीय खुल्ला आर्चरीरतीर (धनुवाणरदची हान्ने) प्रतियोगिता हुने भएको छ ।

‘खेलकुदको विकास सँगसँगै संस्कृतिको संरक्षण’ भन्ने मूल नारासहित फागुन ११ गते  देखि प्रतियोगिता हुने भएको छ । २१५० औं ग्याल्बो ल्होसारको अवसरमा खाँदबारीमा तीन दिने प्रतियोगिता आयोजना गरिएको आर्चरी संघ संखुवासभाका सचिव मिक्मातेम्बा लामाले बताउनुभयो । उहाँले खाँदबारीको रंगशालामा संचालन हुने प्रतियोगिताको तयारीमा जुटेको बताउनुभयो ।

उक्त प्रतियोगिताका विजेताले नगद १ लाख १ सय ९९ रुपैंया, मेडल, प्रमाण पत्र र ट्रफी प्राप्त गर्नेछन् । भने दोश्रोले नगद ५१ हजार १ सय ९९ रुपैंया, मेडल, प्रमाण पत्र र ट्रफी र नगद ३० हजार १ सय ९९ रुपैंया, मेडल, प्रमाण पत्र र ट्रफी प्राप्त गर्नेछन् । त्यसैगरि चौथोले नगद १५ हजार १ सय ९९ रुपैंया, मेडल, प्रमाण पत्र र ट्रफी प्राप्त गर्नेछन् ।

ब्यक्तिगत उत्कृष्ट, बढि अंक ल्याउने खेलाडी, अनुशासित, नवप्रतिभा, जेष्ठ खेलाडीहरुले नगद ५ हजार १ सय, मेडल, प्रमाण पत्र र ट्रफी प्राप्त गर्नेछन् । संखुवासभाको उत्तरीक्षेत्र भोटखोला क्षेत्रमा खेलिने यो खेल धेरै मानिसहरुले खेलको बारेमा जानकारी होस भनेर गत बर्ष देखी सदरमुकाम खाँदबारीमा आयोजना गर्न शुरुवात गरिएको आर्चरी संघ संखुवासभाका अध्यक्ष पासाङ भोटेले बताउनुभयो ।

उहाँले यो प्रतियोगिता नयाँ जस्तो लागेपनि परम्परागत खेलको संरक्षणमा जुटेको बताउनुभयो । उक्त प्रतियोगिता संचालन गर्न कर्माज्यामु भोटे फाउन्डेसनको प्रायोजन र सेभेन समिट ट्रेकले सहयोग गरेको आयोजकले जनाएको छ ।