Trending
प्रतिनिधि सभाका सभामुख देवराज घिमिरेले संसदमा गतिशील र प्रभावकारी ढंगले उपस्थित हुन सांसदहरूलाई आग्रह गर्नुभएको छ।
बिहीबार संसद भवनमा आयोजित संसदहरूलाई अभिमुखीकरण कार्यक्रममा बोल्दै सभामुख घिमिरेले संसदमा गम्भीर भएर उपस्थित हुन सांसदहरूलाई आग्रह गर्नुभएको हो।
संसदलाई व्यवस्थित गर्न संविधानसम्वत निर्माण भएका ऐेन नियमहरूलाई परिस्कृत गर्दै लैजाने उहाँको भनाइ छ। सभामुख घिमिरेले भन्नुभयो जनउत्तरदायी भएर हामीले के कति काम गरिरहेका छौं। नागरिकसँग गरेका वाचाप्रति गम्भीर छौं कि छैनौं। जनताले हाम्रा अभिव्यक्ति,गतिविधि र प्रयत्नहरूबाट हेरिरहेका छन्। यी विषयमा गम्भीर हुन जरूरी छ।
उहाँले सरकारलाई नै गम्भीर बनाउने खालका विषय उठाउनुपर्ने भन्दै गरिमामय भूमिका खेल्न सांसदहरूलाई आग्रह गर्नुभयो ।