Trending
चितवनको इच्छाकामना गाउँपालिकाका चेपाङ बालवालिकालाई शैक्षिक सामाग्री र खाद्यन्न वितरण गरिएको छ । साप नेपाल र डेक नेपालले वडा नं २ मा रहेको राष्ट्रिय आधारभुत विद्यालय वोल्र्याङको छात्रावासमा बसेर अध्ययनर २२ जना अभिभावक विहीन चेपाङ बालवालिकालाई शैक्षिक सामाग्री र खाद्यन्न वितरण गरेको हो ।
साप–नेपाल र डेक नेपाल सौराहा चितवनको सहयोगमा राष्ट्रिय आधारभुत विद्यालयमा छात्रछात्राहरुलाई एक कार्यक्रमको आयोजना गरी शैक्षिक सामाग्री र खाद्यन्न वितरण गरेको साप नेपालका कार्यक्रम संयोजक जनक कार्कीले बताउनुभयो । साप नेपालले चितवन लगाएत अन्य जिल्लामा संस्थाको आन्तरिक श्रोत वाट विपन्न वर्गका छात्रछात्राहरुलाई हरेकवर्ष शैक्षिक सामाग्री एवं छात्रवृद्धि वितरण गर्दै आईरहेको उहाँको भनाई छ ।
कार्यक्रममा विद्ययालय व्यवस्थापन समितिका अध्यक्ष अकल बहादुर प्रजाले शिक्षा र चेतनाको कमिका कारण अझैपनि वालविवाह र वालश्रमिकको रुपमा वालवालिकाहरु प्रयोग भइरहेको बताउनुभयो । साप नेपालका अध्यक्ष गीता भट्टराईले गरिब तथा विपन्न समुदायका छात्रछात्राहरुलाई शिक्षाको क्षेत्रमा सहयोग गरी सवल र सक्षम नागरिक उत्पादन गरी देशको विकासमा योगदान गर्न हरेक संघ संस्थाले आ–आफ्नो तर्फवाट सहयोग गर्नुपर्ने बताउनुभयो ।
कार्यक्रममा इच्छाकामना गाउँपालिका वडा नं। २ का वडा अध्यक्ष पन्च बहादुर प्रजाले शिक्षाको सहज पहुँच नभएको कारण चेपाङ वालवालिकाहरु हरेक क्षेत्रमा पछाडि परेको बताउनुभयो । उहाँले विद्यालयमा छात्राबास निमार्णमा डेक नेपालले १ लाख नगद आर्थिक सहयोग गरेको बताउनुभयो ।
अधिकांश चेपाङ विद्यार्थीहरु विद्यालय भर्ना भएपनि नियमित विद्यालय जानेक्रम अत्यन्त न्यून रहेको र अझ अभिभावक विहीन वालवालिका पढाईबाट बन्चित भएको हुंदा छात्रावास निमार्ण गरेको विद्यालयका प्रधानाध्यापक कमला भण्डारीले बताउनुभयो ।