संखुवासभाको खराङमा तेस्रो मिनी महोत्सव सुरु

संखुवासभाको खराङ खाल्टेमा तेस्रो मिनी खेलकुद महोत्सव २०७९ सुरु भएको छ । महोत्सवको उद्घाटन गर्दे चैनपुर नगरपालिकाका मेयर कृष्णकुमार तामाङले ग्रामीण क्षेत्रका युवाको बिकास खेल क्षेत्रबाट गर्न सकीने बताउनुभयो ।

उहाँले दुर्गम क्षेत्रमा खेलकुद क्षेत्रको बिकास हुन नसकेको भन्दै स्थानीय तहले खेलकुद क्षेत्रको बिकासकालागि योजना बनाउने पनि बताउनुभयो । श्री किरण ज्योति युवा क्लबले आयोजना गरेको खेल महोत्सवमा जिल्लाका दशवटा स्थानीय तह र जिल्ला बाहिरका क्लवहरुको सहभागिता रहेको छ ।

माघे संक्रान्तिको अवसरमा आयोजित खेल महोत्सवमा आमन्त्रित प्रथम स्व. सूर्यबहादुर सोम्याहाङ स्मृति कप पुरुष नकआउट फुटवल प्रतियोगिता, आमन्त्रित महिला फुटवल प्रतियोगिता र खुल्ला जातजातिहरुको पाँचवटा झाँकी प्रदर्शनलगायतका प्रतियोगिता समेत भएकाछन् । झाँकी प्रतियोगितामा चैनपुर–१० सल्लेरीले साकेलामा प्रथम स्थान प्राप्त गरेको छ भने दोस्रो स्थान चैनपुर –१० सालडाँडाको तामाङ सेलोले जितेको छ । उद्घाटन समारोह पछि बिभिन्न समुहबीच फुटबल खेल भई रहेकाछन् ।

खेलमा आमन्त्रित प्रथम स्व. सुर्यबहादर सोम्याहाङ स्मृति कप पुरुष नकआउट फुटवल प्रतियोगिताको प्रथम पुरस्कार १ लाख ११ हजनार १ सय ११ रुपैया, दोस्रो ६६ हजार ६ सय ६६ रुपैया रहेको छ । त्यसैगरी सान्त्वना पुरस्कार २ टिमलाई २२ हजार २ सय २२ रुपैया गरी ४४ हजार ४ सय ४४ रुपैया रहेको छ ।

आमन्त्रित महिला फुटबलमा प्रथम ३३ हजार ३ सय ३३ रुपैया, दोस्रो २२ हजार २ सय २२ र सान्त्वना दुई टिमले ५–५ हजार रुपैया गरी १० हजार रुपैया रहेको छ । झाँकीमा प्रथम हुनेलाई १० हजार रुपैया र दोस्रोलाई ५ हजार रुपैया र सबै टिमलाई सान्त्वना पुरस्कार प्रदान गरीने आयोजक श्री किरण ज्योति युवा क्लवले जनाएको छ ।