दिलकुमारी केसी समृति प्रतिष्ठानले ग¥यो काठमाडौमा म्याराथनको आयोजना

स्वच्छ वातावरण स्वस्थ जीवन नारासहित आज काठमाडौमा म्याराथन प्रतियोगिता सम्पन्न भएको छ ।

दिलकुमारी केसी स्मृति प्रतिष्ठान, चलचित्र कलाकार संघ,कान्ति साँस्कृतिक केन्द्रले गरेको चलचित्रकर्मी ,कलाकार, पत्रकारसहितको तीन किलोमिटर म्याराथनमा पुरुष तर्फ धनुजंग मगरले प्रथम उपाधि हात पार्दे पचाँस हजार रुपैया जित्नु भएको थियो । त्यस्तै विलेनियम तण्डुकार शाहले दोस्रो स्थान प्राप्त गर्दे तीसहजार र तेस्रो हुदै १५ हजार रुपैया मनोज बिकले हात पार्नु भएको थियो ।

महिला तर्फ नायीका पबित्रा आचार्यले प्रथम स्थान प्राप्त गरी पचाँस हजार रुपैया हात पार्नु भएको थियो भने दोस्रो स्थान अस्मिता सुनार जुरेली र पविरोजा ढकालले तेस्रो स्थान प्राप्त गर्नुभएको थियो । म्याराथनमा बिजयी खेलाडीलाई पुरस्कार प्रदान गर्दे उपसभामुख इन्दिरा रानामगरले राष्ट्र निर्माणकालागि स्वच्छ खेलकुद आवश्यक रहेकोमा जोड दिनुभयो । उहाँले खेलकुद राष्ट्रको गहना भएको पनि बताउनुभयो । उर्जा तथा जलस्रोत राज्यमन्त्री दिपकबहादुर सिंहले सरकारले खेल क्षेत्रलाई प्राथमिकता दिनु पर्ने बताउनुभयो ।

खेलकुद राष्ट्रको पहिचान भएकाले खेलकुद क्षेत्रको बिकासकालागि सरकारले दिर्घकालिन योजना बनाउनु पर्ने खाँचो औल्याउनुभयो । दिलकुमारी केसी प्रतिष्ठानका संयोजक नवराज केसीले पछिल्लो समय वातावरणले मानव जिवनमा पारेको असर न्यूनिकरणकोलागि चलचित्रकर्मी, सञ्चारकर्मी र कलाकारको संन्देशमुलक म्याराथनले भूमिका खेल्ने आशा व्यक्त गर्नुभयो ।

म्याराथनमा चलचित्र बिकास बोर्डका अध्यक्ष भुवन केसी, बरिष्ठ संगितकार शम्भुजित बाँस्कोटा, बरिष्ठ कलाकार बसुन्धरा भुषाललगायतका चलचित्रकर्मी, सञ्चारकर्मी र कलाकारको सहभागिता थियो । म्याराथन प्रत्येक बर्ष गरीने आयोजकले जनाएको छ ।