६ महिनादेखि तलब नपाएको शिक्षकहरूको पक्षमा धनुषाका विद्यालयहरू बन्द

धनुषा जिल्लाको नगराइन नगरपालिका सहित अन्य दुई पालिकाहरूमा रहेका शिक्षकहरूलाई विगत ६ महिनादेखि तलब भत्ता नदिएको भन्दै धनुषाका सामुदायिक विद्यालयको पठन पाठन ठप्प पारेका छन् ।

विद्यालयका शिक्षकहरू तलब भत्ता नपाएको भन्दै नगराइन नगरपालिकाका शिक्षकहरू हडतालमा उत्रेको समर्थनमा नेपाल शिक्षक महासङ्घ तथा युनियनले आज सामुदायिक विद्यालयहरूको पठन पाठन अवरोध गर्दै आम हडतालको घोषणा गरेको छ ।

धनुषाका सम्पूर्ण सामुदायिक विद्यालयको पठन पाठन अवरुद्ध भएपछि विद्यालय पढ्नका लागि गएका विद्यार्थीहरू पढेर फर्किनु परेको छ । नगराइन नगरपालिकाको नगर परिषदबाट नगर पालिकाको चालु आर्थिक वर्षको बजेट पारित नभएपछि शिक्षकहरूले तलब भत्ता नपाएपछि विद्यालयको पठन पाठन अवरुद्ध गर्दै हडतालमा उत्रेका छन् ।

धनुषामा रहेका अधिकांश विद्यालयहरू बन्द रहेपछि विद्यार्थीहरू पढ्न पाएका छैन । धनुषा जिल्लाको नगराइन, कमला तथा क्षिरेश्वरनाथ नगरपालिका शिक्षक तथा कर्मचारीहरू चालु आर्थिक वर्षको साउन देखि हालसम्मको तलब भत्ता खान सकेको छैन ।

शिक्षकहरूको तलब भत्ता बाहेकका अन्य श्रोत नभएको भन्दै कतिपय शिक्षकहरूको घर परिवार चलाउनमा पनि समस्या उत्पन्न भएको छ । कतिपय शिक्षकहरूको बाहिर वा उच्च शिक्षामा रहेका छोरा छोरीलाई पढाउन समस्या भएको छ ।