Trending
Wednesday, April 29, 2026
जनकपुरधाम उपमहानगरपालिकाले भूमि वर्गीकरणको काम टुंग्याएको छ । वडा नम्बर १ देखि १४ सम्मको जग्गा गैरकृषि र वडा नम्बर १२ को केही जग्गालाई कृषि क्षेत्रमा राखिएको छ ।
बर्गिकरणसंगै रोकिएको कित्ताकाट मालपोत र नापी कार्यालयबाट फुकुवा हुनेछ । जनकपुर उद्योग वाणिज्य संघलगायतले भूमि वर्गीकरणसम्बन्धी निर्णय गर्न उपमहानगरपालिकासित माग गर्दै आएका थिए । उपमहानगरपालिकाका नगरप्रमुख मनोजकुमार साहले जग्गा वर्गीकरणको निर्णय भइसकेको जानकारी दिनुभयो ।
सरकारले निर्धारण गरेको बसोबास क्षेत्रको आठ धुर जग्गा कित्ताकाट यथावत र कृषि क्षेत्रको जग्गा दुई कट्ठाभन्दा कम्तीको कित्ताकाट नहुने बताईएको छ । वडा नम्बर १५ देखि २५ सम्मको जग्गामा कृषि र गैरकृषि क्षेत्र विभाजन गरिएको उहाँले बताउनुभयो । जग्गा धनीले आफ्नो जमिन कृषि योग्य क्षेत्रमा राख्न चाहे उपमहानगरपालिकामा निवेदन दिन सकीने मेयर साहको भनाई छ ।
जग्गाको वर्गीकरण भए पनि करमा भने वृद्धि गरीएको छैन् । जग्गा वर्गीकरण नहुँदा कित्ताकाट रोकीनुका साथै जग्गाको बेचबिखनसमेत रोकिएको थियो ।
