सीटीईभीटीमा तीन विद्यार्थी संगठनको तालाबन्दी

परीक्षा सकिएको ३ महिनाभित्रै नतिजा सार्वजनिक लगायतका माग राखी तीन विद्यार्थी संगठनले प्राविधिक शिक्षा तथा व्यावसायिक तालिम परिषद् सीटीईभीटीको भक्तपुरस्थित केन्द्रीय कार्यालयमा तालाबन्दी गरेका छन् ।

सीटीईभीटीले समयमा नै नजिता सार्वजनिक नगर्दा विद्यार्थी रोजगारी र उच्चशिक्षा अध्ययन गर्नबाट समेत वञ्चित भएको विद्यार्थी नेताहरूको गुनासो छ ।

सत्तारुढ नेपाल विद्यार्थी संघ, अखिल क्रान्तिकारी र अनेरास्ववियुले संयुक्त रुपमा तालाबन्दी गरेको विज्ञप्तिमा उल्लेख छ । सीटीईभीटीलाई पटकपटक ध्यानार्कषण गराउँदा पनि कुनै सुनुवाई नभएकाले तालाबन्दी गरिएको विद्यार्थी संगठनले जनाएका छन् । विद्यार्थीले गुणस्तर प्राविधिक शिक्षाका लागि अनुगमनलाई प्राथमिकता दिनुपर्ने माग समेत गरेका छन् । सरकारी कलेजलाई प्राथमिकता दिएर सम्बन्धन वितरण गर्नुपर्ने, सीटीईभीटीबाट उत्पादित जनशक्तिलाई विशेष व्यवस्था गरेर रोजगारीको अवसर दिने वातारण बनाउनुपर्ने माग अघि सारिएको छ ।

सीटीईभीटीले हचुवाका भरमा शैक्षिक संस्थाहरूको स्तरवृद्धि गरेको आरोप समेत विद्यार्थीले लगाएका छन् ।

सीटीईभीटीले निवेदन दिएर बसेका कलेजलाई सम्बन्धन दिने प्रक्रिया अघि बढाएको छ ।  माग पूरा नभएसम्म अनिश्चितकालीन तालाबन्दी जारी रहने तीन विद्यार्थी संगठनलेबताएका छन् ।