Trending
Wednesday, April 29, 2026
सुदूरपश्चिम प्रदेश सभा सचिवालयका कर्मचारी नवनिर्वाचित प्रदेश सभा सदस्यको स्वागतको तयारीमा जुटेको छ ।
प्रदेशमा छ दल बनेपछि संसदीय दलका कार्यालयको व्यवस्थापन, प्रदेश सभा बैठक हलको व्यवस्थापन, सभा सञ्चालनका लागि आवश्यक पर्ने विजनेश लगायतको तयारीमा प्रदेश सभा जुटिसकेको हो । प्रदेश सभा सचिवालयका सचिव देवबहादुर बोगटीले प्रदेश सभा सदस्यको स्वागतका लागि सचिवालय तीव्र रुपमा तयारीमा जुटेको जानकारी दिनुभयो ।
उहाँले कार्यालय व्यवस्थापन, रंगरोगन, कुर्ची व्यवस्थापन लगायतका काम भईरहेको बताउनुभयो । त्यस्तै प्रदेश सभाले अघिल्लो सांसदहरूले प्रयोग गरेका माइकहरू हटाएर नयाँ सांसदहरूलाई नयाँ माइक र नयाँ टेबल पनि राखिएको छ । पुराना टेबल अहिले थन्काइएको छ । सभामुख र सचिव बस्ने स्थानलाई पनि चिटिक्क पारिँदै छ ।
पुरानो माइकहरू हटाएर ३२ वटा नयाँ माइकहरू राखिएका छन् । रोष्टममा २ वटा सभामुखको स्थानमा २ वटा र प्रदेश सभा सदस्यहरूको स्थानमा २८ वटा माइकल जडान भइसकेका छन् ।
