अर्जेन्टिनाका उपराष्ट्रपतिलाई ६ वर्षको जेल सजाय

अर्जेन्टिनामा बहालवाला उपराष्ट्रपतिलाई भ्रष्टाचार आरोपमा ६ वर्षको जेल सजाय सुनाइएको छ ।

उपराष्ट्रपति क्रिश्टिना फर्नान्डेज डी कर्चरले सार्वजनिक निर्माणको कामको ठेक्का आफ्नो साथिलाई दिएको ठहर गर्दै अदालतले ६ वर्षको जेल सजाय सुनाएको हो । उहाँलाई कुने पनि सार्वजनिक पदमा बस्नबाट पनि अदालतले प्रतिबन्ध लगाएको छ ।

माथिल्लो अदालतमा अपील गर्ने बाटो खुला रहेको र उक्त प्रक्रिया निकै लामो रहेकाले तत्काल जेल भने जानु पर्ने अवस्था भने नरहने समाचारमा जनाइएको छ । तर बहालवाला उपराष्ट्रपतिलाई भ्रष्टाचार आरोपमा जेल सजाय नै दिने अदालतको फैसलाले सिंगो अर्जेन्टिनालाई हल्लाएको छ ।

अर्जेन्टिनाको ईतिहासमा बहालवाला उपराष्ट्रपतिमाथि न्यायिक अंगबाट यो प्रकारको अभियोग पुष्टि भएको पहिलो पटक हो । सन् २००७ देखि २०१५ सम्म राष्ट्रपति रहेको बेला क्रिश्टिनाले सार्वजनिक निर्माणको ठूलो काम आफ्नो ब्यापारी साथिलाई जिम्मा दिएर घुस लिएको ठहर अदालतले गरेको छ ।

घुस दिने ब्यपारी लाजारो बाएजलाई भने यस अघि नै ६ वर्षको जेल सजाय सुनाएर कारागारमा हालिसकिएको छ । एघार जना विरुद्ध मुद्धा चलिरहेको र ती मध्ये सात जना दोषी ठहर भईसकेका छन् ।

अहिलेसम्मकै सवैभन्दा ठूलो भ्रष्टाचार भनिएको यो सार्वजनिक निर्माणको काम दर्जनौं ठेक्कासंग जोडिएको र ती काम अहिले पनि लथालिङ्ग अवस्थाा रहेको जनाइएको छ ।