Trending
Thursday, January 16, 2025
मेचीनगरको हडियाँ रेगुलेटर सिँचाइ आयोजनाको भत्किएको मुहान ममर्त नहुँदा चार सय हेक्टर जमिन बाँझो रहेको छ ।
गत वर्ष आएको बेमौसमी बाढीले आयोजनाको मुहान भत्काएको थियो । चार वर्षअघि एसियाली विकास बैंकको पाँच करोड २२ लाख रुपैयाको लागतमा हडियाँ खोलाबाट बनेको सिँचाइ आयोजनाको मुहान नै भत्किएपछि बनाउन नसक्दा पाँच सय किसानको झण्डै चार सय हेक्टर जमिन बाँझो बन्न पुगेको हो ।
वडा नम्बर १४ का निवर्तमान अध्यक्ष शंकर पोखरेलले नगरपालिका र डिभिजन सिँचाइ कार्यालय भद्रपुरले तत्काल परियोजना मर्मतका लागि प्रदेश सरकारसँग बजेट माग गरेका थिए । प्रदेश सरकारले बजेट व्यवस्थापन गर्न नसक्दा परियोजनाको मर्मत अझै हुन नसकेको उहाँको भनाई छ । परियोजनाको मुहान मर्मतका लागि झण्डै एक करोड रुपैया लाग्ने छ ।
परियोजना सञ्चालनमा आएपछि पाँच सय घरपरिवारको जमिन पुनः सिञ्चित हुने छ ।
