ईश्वर मन्दिरले गर्दे स्वास्थ्य क्षेत्रमा ईश्वरीय काम

भरतपुर प्रादेशीक अस्पताललाई काठमाडौस्थित ईश्वर मन्दिरले स्वास्थ्य सामाग्री हस्तान्तरण गरेको छ । आज एक कार्यक्रमकाबीच बिभिन्न रोगका बिरामीको रक्त अवस्था पत्ता लगाउनको लागि आवश्यक पर्ने उपकरण ईलेक्ट्रो लाईट र एनालाईजरसहीतका उपकरण हस्तान्तरण गरीएको हो ।

अष्ट्रेलियामा रहेका नेपालीहरुको संस्था अमेजिन प्यारेन्स्संगको सहकार्यमा ईश्वर मन्दिरले उपकरण हस्तान्तरण गरेको हो । संस्थाका संरक्षक तथा पूर्व अर्थमन्त्री शंकरप्रसाद कोइरालाले विपन्न वर्गको उपचारमा पहुँच पुगोस भन्ने उद्धेश्यले उपकरण हस्तातरण गर्रीको जानकारी दिनुभयो । यसले उपचारमा महत्वपूर्ण भूमिका निर्वाह गर्ने उहाँको भनाई थियो ।

अस्पताल सञ्चालक समितिका अध्यक्ष डा. भोजराज अधिकारी, अस्पताल प्रमुख प्राध्यापक डा. कृष्णप्रसाद पौडेलले दैनिक दुईहजार बिरामीको चाप हुने ८ जिल्लाका झण्डै ३५ लाख जनसंख्यालाई उपचार धानिरहको अस्पतालकालागि उपकरण महत्वपूर्ण रहेको बताउनुभयो । डा. अधिकारीले स्वास्थ्य उपकरणले यस क्षेत्रका बिरामीको उपचारमा सहज पहुँच पुग्ने पनि बताउनुभयो ।

कार्यक्रममा संस्थाका अध्यक्ष प्रमेश केसी, स्वयंसेवक आरोहणनरसिंह खड्काले शिक्षा र स्वास्थ्य सेवाका क्षेत्रमा संस्थाका गतिबिधिबारे जानकारी गराउनु भएको थियो ।