Trending
Thursday, April 30, 2026
काठमाडौँ – रूससँग शान्ति वार्ता गर्न युक्रेनको प्रतिनिधिमण्डल टर्कीको इस्तानबुल पुगेको छ । प्रतिनिधिमण्डलको नेतृत्व युक्रेनका रक्षामन्त्री ओलेक्सी रेज्निकोभ र राष्ट्रपति कार्यालयका प्रमुख मिखाइल पोडोलियाकले गरेका छन् ।
शान्ति वार्तामा त्यस्तो कुनै प्रस्ताव आउनेमा शङ्का भए पनि आफ्नो उच्च प्राथमिकता युद्धविराम हुने यो प्रतिनिधिमण्डलले जनाएको छ । टर्कीका राष्ट्रपति रेसेप तैयप एर्दोआनले आयोजना गरेको वार्ता स्थानीय समयअनुसार मंगलबार बिहान १० बजे सुरु हुनेछ ।
यस बाहेक रूसले युक्रेनलाई नेटोमा सामेल हुने आफ्नो मनसाय त्याग्न आग्रह गरिरहेको छ। अर्कोतर्फ युक्रेनका राष्ट्रपति भोलोडिमिर जेलेन्स्कीले भने आफू यस विषयमा सम्झौता गर्न तयार रहेको बताएका छन् ।
यस बाहेक यो शान्ति वार्तामा युक्रेनका पृथकतावादीहरूले कब्जा गरेको क्षेत्रका बारेमा पनि कुरा गर्न सकिनेछ।
