Trending
Wednesday, September 16, 2026
काठमाडौँ – अभिनेत्री करिश्मा मानन्धरले एमाले रोज्नुको कारण नै अध्यक्ष केपी शर्मा ओलीबाट प्रभावित भएर बताएकी छिन् । मंगलबार नेकपा एमालेमा प्रवेश गरेपछि उनले आफू कुनै पदको सौदाबाजी गरेर नभई नितान्त एमालेको कार्यकर्ता बन्न आएको बताइन् । उनले भनिन् ‘कुनै सौदाबाजी होइन, कुनै आग्रह पनि छैन, नितान्त एमालेको कार्यकर्ता भएर हजुरहरुसँग जोडिन आएको छु’।
साथै उनले तीन दशक कलाकारिता क्षेत्रमा गरेको संघर्ष मुलुककै लागि भएको बताएकी छिन् । मानन्धरले कला क्षेत्रबाट अगाडि बढ्नका लागि राजनीतिमा प्रवेश गरेको बताइन । कला क्षेत्रको पक्षबाट मुलुकको लागि योगदान गरिरहेको उनको दाबी छ ।
एमालेले महिलाहरुलाई अगाडि बढाएकोमा पनि आफू एमाले प्रवेश गरेको उनले बताइन् । नेपाली जनताले एमालेप्रति आस्था राख्ने भएकोले पनि आफूले एमाले नै रोज्नुको कारण भएको उनले बताइन् । साथै ओलीको कुरा सुनेर आफू नथाक्ने उनको भनाइ छ । नेपालको अधिकांश भुभागमा ओलीको गुनगान गाइने करिश्माको दाबी छ ।
