Trending
Saturday, June 13, 2026
काठमाडौँ — कोरोनाभाइरसको संक्रमणका कारण पछिल्लो २४ घण्टामा थप एक जनाको मृत्यु भएको छ । यो संगै हालसम्म कोरोनाले ज्यान गुमाउनेको कुल संख्या ११ हजार ९४९ पुगेको छ ।
पछिल्लो २४ घण्टामा थप १९४ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ६३८ जनाको पीसीआर परीक्षण गर्दा ७४ जना र २ हजार ७५६ एन्टीजेन परीक्षण गर्दा १२० जना गरी कुल १९४ जनामा कोरोना संक्रमण पुष्टि भएको हो ।
हाल देशभरमा पाँच हजार ८७५ सक्रिय संक्रमित छन् भने ३४८ जना संक्रमणमुक्त भएका छन् ।
