Trending
Saturday, August 8, 2026
नेकपा (एकीकृत समाजवादी) ले अमेरिकी सहयोग परियोजना एमसिसी सम्झौतालाई संसद्मा टेबल गर्न नरोक्ने निर्णय गरेको छ।
शनिबार बसेको पार्टी स्थायी कमिटी बैठकले एमसिसी संसद्मा टेबल गर्न नरोक्ने तर यथास्थितिमा पारित गर्न भने नदिने निर्णय गरेको हो। पार्टी प्रवक्ता जगन्नाथ खतिवडाले संशोधन गरेरमात्र एमसिसी पारित गर्न सकिने पार्टीको धारणा रहेको उनले बताए।
यसबारे थप निर्णय गर्नुपरे बैठकले थप अधिकार केन्द्रीय सचिवालयलाई दिएको पनि खतिवडाले जानकारी दिए ।
एमसिसीको बारेमा पार्टीको १२ औँ सचिवालय बैठकले झलनाथ खनालको संयोजकत्वमा प्रमेश हमाल, विजय पौडेल र जगन्नाथ खतिवडासहितको अध्ययन कार्यदलको बनाएको थियो।
सो कार्यदलले १४ औँ बैठकमा एमसिसीबारे रिपोर्ट प्रस्तुत गरेको थियो। सोही रिपोर्टबारे खनालले विवरण प्रस्तुत गरेका थिए। आजको बैठकमा २५ सदस्यले धारणा राखेका थिए।
सत्ता गठबन्धनका दलहरूबीच एमसिसीबारे साझा मत बन्न सकेको छैन। कांग्रेसबाहेकका दलहरू एमसिसीको बिपक्षमा देखिएका छन्।
