Trending
Wednesday, May 21, 2025
नेकपा माओवादी केन्द्रको बागमती प्रदेश कमिटीको अध्यक्षमा सरल सहयात्री पौडेल निर्वाचित भएका छन् ।
हिजो सोमबार भएको मतदानमा पौडेलले दिनानाथ गौतमलाई ७६ मतान्तरले पराजित गरेका हुन् । पौडेलले १६२ मत ल्याउँदा गौतमले ८६ मत मात्र प्राप्त गरेका छन् ।
त्यस्तै उपाध्यक्षको तीन वटा पदमा रुपा महर्जन, रामप्रसाद ढुंगाना र प्रेमबहादुर पुलामी ‘छिन्तु’ विजयी भएका छन् । त्यसैगरी सचिवमा इन्द्रबहादुर थिङ ‘छिन्ताङ’ निर्वाचित भएका छन् ।
तीन वटा पद रहेको सह–सचिव दलबहादुर बुर्लाकोटी ‘बिजय’, माधव प्रसाद लामिछाने ‘समिर’ र प्रकाश श्रेष्ठ निर्वाचित भएका छन् भने कोषाध्यक्षमा संगीता भट्टराई निर्वाचित भएकी छन् ।
