कांग्रेस महाधिवेशन : ११ बजेभित्र उम्मेदवारी फिर्ता लिन पाइने, १३४ पदका लागि ५४८ जनाको उम्मेदवारी (प्रारम्भिक सूचीसहित)

नेपाली कांग्रेसको जारी १४औं महाधिवेशनमा हिजो शनिबार परेका उम्मेदवारी फिर्ता लिनका लागि आज आइतबार बिहान ११ बजेसम्मका लागि समय छुट्याइएको छ ।

कांग्रेस निर्वाचन समितिका अनुसार त्यसपछि १२ः१५ बने उम्मेदवारहरूको अन्तिम नामावली प्रकाशन गरिने भएको छ । समितिले शनिबार राति उम्मेदवारको प्रथम नामावली प्रकाशन गरिसकेको छ ।

जसअनुसार १३४ पदका लागि ५४८ जनाको उम्मेदवारी परेको छ । सभापतिमा मात्र ६ जनाको उम्मेदवारी परेको छ । जसमा चार जना प्यानललसहित चुनावी मैदानमा छन् ।

क्रम अनुसार सभापतिका लागि कल्याणकुमार गुरुङ, युवराज न्यौपाने, प्रकाशमान सिंह, डा। शेखरप्रसाद कोइराला, विमलेन्द्र निधि र शेरबहादुर देउवालो उम्मेवादरी दर्ता गराएको समितिले जानकारी दिएको छ । मतदान सोभोलि मबार बिहान ८ बजेदेखि हुने जनाइएको छ ।

राष्ट्रियसभा गृह, महेन्द्र पुलिस क्लब र भृकुटीमण्डप गरी तीन स्थानमा मतदानको व्यवस्था मिलाइने जनाइएको छ । मतदान मतपत्रमार्फत गर्नु पर्ने छ । विद्युतीय मतदानको व्यवस्था गर्ने भनिए पनि हुन नसकेको कांग्रेसले जनाएको छ ।

महाधिवेशनमा ४ हजार ७४३ जना प्रतिनिधि सहभागी छन् । कांग्रेसको विधानअनुसार सभापतिका उम्मेदवारले जितका लागि ५० प्रतिशतभन्दा धेरै मत ल्याउनुपर्छ । कुनै पनि उम्मेदवारले ५० प्रतिशतभन्दा बढी मत नल्याए सबैभन्दा बढी मत ल्याउने दुई उम्मेदवारबीच दोस्रो चरणको निर्वाचन हुने व्यवस्था छ ।