उद्घाटन स्थलमा डाक्टर शशांकको फरक दृष्य !

नेपाली कांग्रेसको १४ औं महाधिवेशनमा कांग्रेस सभापति तथा प्रधानमन्त्री शेरबहादुर देउवा, बरिष्ठ नेता रामचन्द्र पौडेल र अन्य राजनीतिक दलका प्रमुख नेता र विदेशी कुटनीतिक नियोगका प्रमुख आउने क्रम जारी थियो ।

नेपाली कांग्रेस आयोजक भएकाले पनि सबै पाहुँनाहरुको स्वागत गर्नु सबै कांग्रेसका नेताहरुको कर्तव्य हो । तर, नेपाली कांग्रेसका महामन्त्री डाक्टर शशांक कोइरालाको भने मञ्चमा फरक दृष्य देखिएको थियो । बरिष्ठ नेता पौडेल बसेको पछिल्लो सिटमा बसेका महामन्त्री कोईराला भने आफ्नै भव्य समारोहमा पाउनाबीचमै पानपराग खाई रहेको दृष्यले सबैलाई अप्ठ्यारो अनूभूति गराई रहेको थियो ।

कोइरालाकै छेउमै बसेका अर्का एक नेता भने डाक्टर शशांक कोइरालाले पानपराग खाएको हेरी रहेको झै देखिन्छ । हुन त कोईराला पानपराग नियमित खाने नेतामा पर्नु हुन्छ । पान पराग खानु ठिकै होला ? तर, आफ्नै पार्टीको भव्य समारोहमा देश, बिदेशका प्रमुख नेता गण र देशभरबाट आएका नेता कार्यकर्ताबीचमा यसरी मञ्चमै बसेर पान पराग खाएकोमा सबैले कोइरालाप्रति दृष्टि लगाएका थिए ।

पार्टीमा अनुशासनको कुरा प्रमुख हो । तर, यहाँ हेर्दा त्यस्तो देखिदैन । देउवाको पछिल्लो मञ्चमा बस्नु भएका पार्टीका उपसभापति विजय कुमार गच्छदारपनि मञ्चतिर पाउनाको आगमन भईरहँदा निदाई रहेको देखिन्छ ।

कांग्रेसको आफ्नो महत्वपूर्ण कार्यक्रममा नेपाली कांग्रेसकै नेताहरुले देखाई रहेको दृष्यले पक्कै पनि दर्शकदिर्घालाई अप्ठ्यारो चाँही बनाई रहेको थियो ।