Trending
Thursday, December 5, 2024
नेकपा एमालेमा अब १५ सदस्यीय केन्द्रीय पदाधिकारीको व्यवस्था गरिने भएको छ ।
शुक्रबारदेखि जारी विधान महाधिवेशनमा आइतबार विधान संशोधनमाथि उठेका प्रश्नको जवाफ दिँदै उपमहासचिव विष्णु पौडेलले अध्यक्ष तथा वरिष्ठ उपाध्यक्षसहित १५ सदस्यीय पदाधिकारीको परिमार्जित प्रस्ताव पेश गरेका हुन् ।
उनको प्रस्तावमा अध्यक्ष १, वरिष्ठ उपाध्यक्षसहित उपाध्यक्षको संख्या ५, महासचिव १, उपमहासचिव १ र सचिव ७ रहेका छन् । उनले परिमार्जित प्रस्ताव पेश गरेका हुन् ।
‘कम्युनिस्ट पार्टीमा पदाधिकारी चयन सजिलो हुँदैन, मैले १३ जनाको पदाधिकारी प्रस्ताव गरेको थिएँ । पदाधिकारी धेरै हुँदा व्यवस्थापन गर्न सजिलो हुँदैन, त्यसैले मैले १५ सदस्यीय प्रस्ताव गरेको छु’, पौडेलले उठेका प्रश्नको जवाफ दिए ।
