कांग्रेस मुस्ताङको सभापतिमा थकाली र मनाङमा गुरुङ निर्वाचित

नेपाली कांग्रेस मुस्ताङको जिल्ला सभापतिमा रोमी गौचन थकाली सर्वसम्मत निर्वाचित भएका छन्।

शनिबार भएको जिल्ला अधिवेशनले गौचनलाई जिल्ला सभापतिमा सर्वसम्मत चयन गरेको हो। पूर्व वाणिज्यमन्त्री समेत रहेका थकाली वरिष्ठ नेता रामचन्द्र पौडेल समूहसँग नजिक छन्।

यस्तै मनाङको कांग्रेस सभापतिमा शंकर गुरुङ निर्वाचित भएका छन्। शनिबार सम्पन्न जिल्ला अधिवेशनबाट उनी सर्वसम्मत सभापति बनेका हुन्।

मनाङमा सबै तहको नेतृत्व सर्वसम्मत चयन गरिएको छ। कांग्रेस निर्वाचन समितिका अनुसार आजबाट हिमाली जिल्लामा कांग्रेसको जिल्ला अधिवेशन सुरु भएको छ।