देशभर थपिए ५४९ जना कोरोना भाइरस संक्रमित, एकैदिन ५६९ निको हुदा ६ को मृत्यु

पछिल्लो २४ घण्टामा देशभर थप ५४९ जनामा कोरोना भाइरस (कोभिड–१९) संक्रमण पुष्टि भएको छ ।

७ हजार १४५ जनाको पीसीआर परीक्षण गर्दा ४९० जना र २६०१ नमुनाको एन्टिजेन परीक्षण गर्दा ५९ गरी ५९१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

यस्तै मन्त्रालयका अनुसार पछिल्लो चौबीस घण्टामा ५६९ जना सङ्क्रमित कोभिडमुक्त भएका छन् ।

यस्तै पछिल्लो २४ घण्टामा कोरोना संक्रमणबाट ६ जनाको मृत्यु पुष्टि भएको छ । यससँगै मृतकको संख्या ११३८८ पुगेको छ ।