Trending
Sunday, June 15, 2025
पछिल्लो २४ घण्टामा उपत्यकामा १९९ सहित देशभर थप ५९१ जनामा कोरोना भाइरस (कोभिड–१९) संक्रमण पुष्टि भएको छ । योसँगै पीसीआर र एन्टिजेन दुवै विधिबाट कुल पोजेटिभ संख्या ९ लाख ५ हजार ७७६ जना पुगेको छ ।
८ हजार ८४८ जनाको पीसीआर परीक्षण गर्दा ५२७ जना र २५०७ जनाको एन्टिजेन परीक्षण गर्दा ६४ गरी ५९१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
पछिल्लो २४ घण्टामा उपत्यकाको काठमाडौँका १५७, भक्तपुरका १२ जना र ललितपुरका ३० गरी उपत्यकामा कुल १९९ जना कोरोना संक्रमित भेटिएका हुन ।
यस्तै मन्त्रालयका अनुसार पछिल्लो चौबीस घण्टामा ६६४ जना सङ्क्रमित कोभिडमुक्त भएका छन् । योसँगै संक्रमणमुक्त हुनेको कुल संख्या ७ लाख ८९ हजार ७८९ जना पुगेको छ ।
यस्तै पछिल्लो २४ घण्टामा कोरोना संक्रमणबाट २ जनाको मृत्यु पुष्टि भएको छ । यससँगै मृतकको संख्या ११३८२ पुगेको छ ।
