बागमती प्रदेशका मुख्यमन्त्री शाक्यद्वारा राजीनामा घोषणा

बागमती प्रदेशकी मुख्यमन्त्री अष्टलक्ष्मी शाक्यले पदबाट राजीनामा दिएकी छिन ।

प्रदेशसभा बैठकलाई बुधबार सम्बोधन गर्दै मुख्यमन्त्री शाक्यले राजीनामा दिने घोषणा गरेकी हुन । उनले छोटो समयमा नै सम्झनलायक काम गरेको बताउँदै सहयोग गर्ने सबैलाई धन्यवाद दिइन ।

यसअघि असोज २४ गतेको बैठकमा राखेको विश्वासको मतसम्बन्धी प्रस्तावमा बुधबार मतदान हुने कार्यसूची थियो । आफूले विश्वासको मत पाउने अवस्था नभएकाले उनले राजीनामा दिएकी हुन ।

शाक्य बागमती प्रदेशमा एकल बहुमतमा रहेको नेकपा एमालेको संसदीय दलको नेताको रुपमा भदौ २ गते मुख्यमन्त्री नियुक्त भएकी थिइन । एमाले विभाजित भएर नेकपा ९एकीकृत समाजवादी० बनेपछि उनले बहुमत गुमाएकी थिइन ।

बागमती प्रदेशसभामा १०९ सदस्यमध्ये मुख्यमन्त्री शाक्यलाई नेकपा एमालेका ४३ सांसदको समर्थन छ । नेकपा एमालेका ५६ प्रदेशसभा सदस्यमध्ये १३ जनाले नेकपा एकीकृत समाजवादी रोजेपछि मुख्यमन्त्री शाक्य अल्पमतमा परेकी हुन ।

शाक्यले संघीयता बलियो बनाउन लोकतन्त्र पक्षधर दलहरुबीच न्यूनतम समझदारी हुनुपर्ने बताएकी छिन । उनले बागमतीलाई विकास र समृद्धिको नमूना प्रदेश बनाउन सकिने बताउँदै साझा प्रयासमा जोड दिइन ।