Trending
Wednesday, August 5, 2026
प्रधानमन्त्री शेरबहादुर देउवाले अहिलेकै संसदबाट अमेरिकी सहायता परियोजना मिलेनियम च्यालेन्ज कर्पोरेसन ९एमसीसी० पारित हुने दाबी गरेका छन ।
बाढी प्रभावित क्षेत्र अवलोकनका लागि सुदूरपश्चिमा रहेका प्रधानमन्त्रीले शुक्रबार बिहान भएको पत्रकार सम्मेलनमा एमसीसी पारित हुने दाबी गरे । एडीबीलगायतका दातृ निकायमा अन्तर्राष्ट्रिय कानून लागू भएको उल्लेख गर्दै उनले एमसीसीले नेपालको कानून मान्छु भन्दा पनि झुटा प्रचार गरिएको उल्लेख गरे ।
प्रधानमन्त्रीले एमसीसीमा संशोधन गर्नुपर्ने विषय नरहेको बताए ।
प्रधानमन्त्रीले शीघ्र निर्वाचन र प्रदेश सरकारका परिवर्तनबारे गठबन्धनले निर्णय गर्ने जानकारी दिए ।
नेपाली कांग्रेसका सभापतिसमेत रहेका देउवाले पार्टीको महाधिवेशनबारे निर्णय गर्ने अधिकार निर्वाचन समितिलाई रहेकाले आफूले त्यस विषयमा धारणा नराख्ने बताए ।
सुदूरपश्चिमजस्तै देशभर बाढी पहिरो र डुबानको समस्या रहेको बताउँदै प्रधानमन्त्री देउवाले अन्य क्षेत्रको पनि भ्रमण गर्ने जानकारी दिए । उनले सरकारले जनतालाई राहतका कार्यक्रम ल्याउने बताए ।
