Trending
Sunday, April 26, 2026
संखुवासभा–काठमाडौं जर्नालिस्ट एसोसिएसन (एसकाज)ले मंगलबार काठमाडौंमा एक कार्यक्रम गरी नवीन गुरुङ र प्रेमप्रसाद निरौलालाई मनराम–एसकाज पत्रकारिता पुरस्कार प्रदान गरेको छ ।
मनराम–एसकाज पत्रकारिता पुरस्कार २०७८ बाट पाख्रीबास एफएमका स्टेसन म्यानेजर प्रेमप्रसाद निरौला र मनराम–एसकाज पत्रकारिता पुरस्कार २०७७ बाट नयाँ पत्रिका दैनिकका संखुवासभा जिल्ला संवाददाता नवीन गुरुङ पुरस्कृत भएका हुन ।
लायन्स मनराम प्रतिष्ठान र एसकाजको संयुक्त पहलमा ०७३ मा स्थापित पुरस्कार हरेक वर्ष संखुवासभामा रहेर पत्रकारिता गर्दै आएका क्रियाशील पत्रकारलाई प्रदान गरिँदै आएको छ । पुरस्कारको राशी नगद २५ हजार रहेको छ ।
मनराम–एसकाज पत्रकारिता पुरस्कार यसअघि गंगा विष्ट, इन्द्र गिरी, दीपेन्द्र शाक्य र कृष्णराज शाक्यलाई प्रदान गरिएको छ ।
गत वर्ष कोभिड– १९ का कारण कार्यक्रम गर्न नसकिएकाले दुवै वर्षको पुरस्कार एकैपटक प्रदान गरिएको एसकाजका अध्यक्ष शंकर खनालले बताए ।
