Trending
Saturday, June 13, 2026
पछिल्लो २४ घण्टामा देशभर थप १४७ जनामा कोरोना भाइरस (कोभिड–१९) संक्रमण पुष्टि भएको छ । योसँगै पीसीआर र एन्टिजेन दुवै विधिबाट कुल पोजेटिभ संख्या ८ लाख ९८ हजार ८ जना पुगेको छ ।
१ हजार ४४६ पीसीआर परीक्षणमा १३६ जना र ३२७ एन्टिजेन परीक्षण गर्दा ११ जनामा गरी १४७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
यस्तै मन्त्रालयका अनुसार पछिल्लो चौबीस घण्टामा ८४५ जना सङ्क्रमित कोभिडमुक्त भएका छन् । योसँगै संक्रमणमुक्त हुनेको कुल संख्या ७ लाख ८० हजार ७७६ जना पुगेको छ ।
यस्तै पछिल्लो २४ घण्टामा कोरोना संक्रमणबाट १ जनाको मृत्यु पुष्टि भएको छ । यससँगै मृतकको संख्या ११२७८ पुगेको छ ।
