प्रमुख प्रतिपक्षी दल एमाले बिनानै सर्वदलीय बैठक सम्पन्न, संसद निर्वाद चलाउने बारे छलफल

प्रधानमन्त्री शेरबहादुर देउवाले डामेको सर्वदलीय बैठक सम्पन्न भएको छ ।

बैठकमा संसदलाई मर्यादित र निर्वाद चलाउन प्रमुख प्रतिपक्षी दल एमालेबाट सकारात्मक सहयोग मिल्ने विषयमा छलफल भएको सरकारका प्रवक्ता ज्ञानेन्द्र बहादुर कार्कीले बताए ।

बैठकमा प्रधानमन्त्री शेरबहादुर देउवासहित नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादी बेदुराम भुषाला लोकतान्त्रिक समाजवादी पार्टीका अध्यक्ष महन्थ ठाकुर लगायतका नेताहरुको उपस्थिति रहेको प्रधानमन्त्रीका प्रमुख स्वकीय सचिव भानु देउवाले जानकारी दिए ।

बैठकमा प्रमुख प्रतिपक्षी दल नेकपा एमालेबाट भने कोहिपनि उपस्थिति छैन । बिहिन बिहान साढे दस बजेदेखि सुरु भएको सर्वदलीय बैठकमा संसदको गतिरोध सम्बन्धमा छलफल केन्द्रित थियो ।