माओवादीले तोक्यो विभाग प्रमुखहरु, अधिवेशन र निर्वाचन निर्देशिका तयार

नेकपा (माओवादी केन्द्र) को स्थायी कमिटीको बैठकले पार्टीका विभिन्न विभागहरुको प्रमुखहरु तोकेको छ । विशेषगरी प्रदेश तह लगायत विभिन्न पदाधिकारीहरु, जिल्ला ईन्चार्जहरू र यससँग सम्बन्धित केन्द्रीय समितिका जिम्मेवारीहरु तोक्ने निर्णय गरिएको नेकपा माओवादी केन्द्रका पार्टी प्रवक्ता नारायणकाजी श्रेष्ठले जानकारी दिनुभएको हो ।

राष्ट्रिय सम्मेलनलाई केन्द्रबिन्दुमा राखेर पालिका, वडा र प्रदेश अधिवेशन र निर्वाचन निर्देशिका पनि तय गर्ने काम गरिएको श्रेष्ठले बताउनुभएको छ ।

यससँगै प्रतिगमनप्रति सचेत हुँदै अहिलेकेो विशेष परिस्थितिमा विज्ञान प्रविधिको अधिकतम प्रयोग, साधन, श्रोत र विधिको पनि प्रयोग गर्न सिंगो पार्टी कमिटीमा निर्देशन गरिएको पनि उहाँले बताउनुभएको छ ।

यसका साथै पार्टीलाई विधिसंगत ढंग एवम् क्रान्तिकारी शक्तिहरुलाई एकीकृत गर्दै अगाडि बढ्ने विषयमा छलफल केन्द्रित भएको श्रेष्ठले बताउनुभएको छ । माओवादी केन्द्रको स्थायी कमिटीको बैठक हिजो र आज बसेको हो ।