१० महिनामा नेपाल भ्रमणमा आए ९ लाख ४१ हजार ३२ विदेशी पर्यटक, अमेरिकन र युराेपियन बढे

सन् २०२४ को अक्टोबर महिनामा एक लाख २४ हजार विदेशी पर्यटकले नेपाल भ्रमण गरेका छन् ।

पर्यटन बोर्डको तथ्यांकअुसार गत महिनाभरिमा एक लाख २४ हजार पर्यटक भित्रिएका हुन् । अघिल्लो महिना सेप्टेम्बरमा ९६ हजार पर्यटक भित्रिएका थिए ।

पर्यटकीय सिजन भएकाले पर्यटक आगमनमा केही वृद्धि भएको देखिन्छ । सिजनमा पर्वतारोहण, पदयात्रा र धार्मिक यात्राका लागि पर्यटकहरू नेपाल आउने गरेको बोर्डले जनाएको छ । यद्यपि, यसपालि पर्यटकीय सिजनका लागि यो संख्याभन्दा धेरै नै आउने अपेक्षा गरिएको थियो ।

तर, गत महिना अविरल वर्षाका कारण बाढी र पहिरो जाँदा पर्यटकको आगमन घटेको हो ।

यसपालि घुम्न आउनेमध्ये सबैभन्दा धेरै १६ हजार ३१३ भारतीय पर्यटक रहेका छन् । तर, यो संख्या अघिल्लो माहिनाको तुलनामा १३ प्रतिशतले कम हो । चाडपर्वलगायतको सिजन र बाढी, पहिरोकै कारण संख्या घटेको हो ।

त्यस्तै, अमेरिकाबाट १६ हजार, चीनबाट ७ हजार, अस्ट्रेलियाबाट ६ हजार, श्रीलंकाबाट १ हजार, बेलायतबाट ८ हजार पर्यटक आएका छन् ।

त्यसैगरी, बंगलादेशबाट ४ हजार, जर्मनीबाट ६ हजार र इटालीबाट २ हजार पर्यटक भित्रिएका छन् ।