दुई महिनामा पर्यटकहरूले लिए ८६७ टिम्स कार्ड

नेपालमा पर्यटकीय मौसम सुरु भएसँगै पर्यटक आगमनमा वृद्धि भएको छ । पर्यटन व्यवसायीका अनुसार पदयात्रा र हिमाल आरोहणमा जाने पर्यटकहरूको सङ्ख्या पनि बढेको छ ।

पछिल्लो दुई महिनामा टान (ट्रेकिङ एजेन्सिज एसोसिएसन अफ नेपाल)बाट पदयात्राका लागि विभिन्न देशका पर्यटकहरूले ८६७ वटा टिम्स कार्ड लिएका छन् । सन् २००८ जनवरी १ देखि पदयात्राका लागि टिम्सको (पदयात्री सूचना व्यवस्थापन प्रणाली कार्ड) प्रावधान लागू भएको थियो । टान र नेपाल पर्यटन बोर्डले यस्तो कार्ड विवरण गर्दै आएका छन् ।

गएको जनवरी महिनामा ३०७ र फेब्रुअरी महिनामा ५६० जनाले टिम्स कार्ड लिएको टानका वरिष्ठ उपाध्यक्ष कृष्ण दाहालले जनाएका छन् । साथै पर्यटक भित्रिने क्रम जारी रहेको उनले जनाए । पर्यटन बोर्डले अप्रिल १बाट एफआईटि बन्द नगर्ने निर्णय गरेको छ । सो निर्णय अनुसार पदयात्रामा जाने पर्यटकहरूले दर्ता भएको कम्पनीबाट मात्र पदयात्रा गर्नुपर्ने, एक जना गाइड अथवा एक जना पोर्टर अनिवार्य रूपमा लैजानुपर्ने हुन्छ ।

एक्लै पदयात्रामा गएका पर्यटकहरू विभिन्न समस्यामा पर्ने क्रम बढेपछि यस्तो व्यवस्था गरिएको हो ।