अङ्ग्रेजी नयाँ वर्षको अवसरमा पुस १३ देखि १७ गतेसम्म पोखरामा २४औँ पोखरा सडक महोत्सव हुने भएको छ । ‘सडकमै खाऔँ, सडकमै नाऔं, सडकमै रमाऔँ’ भन्ने नाराका साथ रेस्टुराँ एण्ड बार एसोसिएसन (रेवान) पोखराको आयोजनामा पाँच दिने सडक महोत्सव हुन लागेको हो ।

कोरोना महामारीका कारण सुस्ताएको पोखराको पर्यटनलाई महोत्सवको माध्यमबाट फर्काउने प्रयास गरिन लागिएको बिहीबार काठमाडौंमा आयोजित पत्रकार सम्मेलनमा रेवान पोखराका अध्यक्ष नरेश भट्टराईले जानकारी दिनुभयो । उहाँले आगामी २५औँ संस्करणलाई रजत महोत्सवको रूपमा विशेष बनाउने तयारी भइरहेको जानकारी पनि दिनुभयो ।

आन्तरिक तथा बाह्य पर्यटन प्रवर्द्धनका लागि पोखराको लेकसाइडस्थित तीन किलोमिटर क्षेत्रमा महोत्सव आयोजना गर्न लागिएको पनि उहाँले बताउनुभयो । महोत्सव फिस्टेल गेटदेखि खहरे चोक हुँदै जरेवर लेकसाइडसम्म हुनेछ । महोत्सवमा सांस्कृतिक कार्यक्रम, मौलिक भेषभूषा, राष्ट्रिय तथा अन्तर्राष्ट्रिय खानाको प्रदर्शन, दोहोरी गीत प्रतियोगिता, झाँकी प्रदर्शन, रात्रिकालीन कन्सर्ट, बोट रेस, खुल्ला भेट्रान टेनिस प्रतियोगिता, वेटर रेसलगायतका कार्यक्रम हुनेछन् ।

मुलुकको आर्थिक विकासको प्रमुख आधार रहेको पर्यटन क्षेत्रले विदेशी मुद्राआर्जन, रोजगारी सिर्जना, समग्र आर्थिक विकास र समुन्नतिमा टेवा पुर्‍याउन सहयोग पुग्ने विश्वास आयोजकले लिएको छ । पोखरा र गण्डकी प्रदेशको लुकेको संस्कृतिलाई सडक महोत्सवमार्फत उजागर गर्न खोजिएको रेवान पोखराका पूर्व अध्यक्ष एवं पोखरा पर्यटन परिषद्को पूर्व अध्यक्ष गोपी भट्टराईले बताउनुभयो ।

सडक महोत्सवमा करिब पाँच लाख आन्तरिक र बाह्य पर्यटकको सहभागिता रहने आयोजकले अपेक्षा गरेको छ । महोत्सव आयोजनामा ७० लाख रुपियाँ खर्च हुने जानकारी पनि पूर्व अध्यक्ष भट्टराईले जानकारी दिनुभयो । उहाँले पोखराका होटलले दैनिक ४५ हजार पर्यटकलाई सेवा दिन सक्ने र नेपाल आउने कूल पर्यटकमध्ये ४० प्रतिशत पोखरा घुम्न जाने पनि बताउनुभयो । साथै महोत्सवको अवसरमा पोखरामा पर्यटकलाई होटलहरुले २० प्रतिशतसम्म छुट दिने आयोजकले जनाएको छ ।

रेवानका केन्द्रीय अध्यक्ष अरनिको राजभण्डारीले निजी क्षेत्रको आयोजनामा हुन लागेको सबैभन्दा ठूलो सडक महोत्सवलाई सफल बनाउन सरकार र सम्बन्धित सबै पक्षको महत्त्वपूर्ण भूमिका रहने बताउनुभयो । आयोजकका अनुसार महोत्सवमा आयोजकले बसुन्धारा पार्कमा १६ वटा विशेष स्टल राख्ने र सडकमा समेत एकसय भन्दाबढी स्टल राखिनेछ ।

महोत्सवमा आयोजक गण्डकी प्रदेशसहित सातवटै प्रदेशको प्रतिनिधिमूलक सहभागिता रहनेछ । महोत्सवलाई पर्यटन बोर्ड, पोखरा महानगर पालिका लगायत विभिन्न सङ्घ संस्थाको सहयोग रहेको बताइएको छ ।

शुक्रबार, ८ पुस, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !