अमेरिकाको सर्वोच्च शिखर डेनालीमा मिङ्मा र छाङ्दावा दाजुभाई

नेपाल अमेरिका सम्बन्धको ७५ बर्षको मित्रताको अवसरमा उत्तरी अमेरिकाको सर्वोच्च शिखर माउण्ट डेनालीको सफल आरोहण गरीएको छ । नेपाली समय अनुसार विहिबार बिहान ५ः३० बजे र ३ः१५ बजे आलास्का समयमा सफल आरोहण गरीएको हो । सर्वोच्च शिखर माउण्ट डेनाली ६ हजार १ सय ९० मिटर रहेको छ ।

नेपाल अमेरिका सम्बन्धलाई थप समधुर बनाउनकोलागि नेपाल अमेरिकाको संयुक्त टोलिले डेनालीको सफल आरोहण गरेको हो । नेपाल अमेरिका मित्रताको झण्डा सगरमाथाको चुचुरोमा पु¥याएको आरोहण दलले सोहि झण्डा डेनाली हिमालमा फहराएको हो ।

अमेरिका नेपालमैत्री अभियानका मुख्य नेता मार्क परेला अमेरिका , मिङ्मा शेर्पा १४ वटा हिमालको सफल अरोही, कर्मा तेञ्जिङ अमेरिका नेपालमैत्री अभियान दलका सह नेता, छाङदावा शेर्पा १४ हिमाल आरोही, कर्मा गेल्जे शेर्पा आरोही दल सदस्य, पासाङ शेर्पा आरोही दल सदस्य, जाङ्बु शेर्पा आरोही दल सदस्यले सफल आरोहण गरेका हुन् ।

२०२२ मे मा सगरमाथाको चुचुरोमा फहराईएको झण्डा माउण्ट डेनालीमा पनि त्यहि झण्डा फहराईएको थियो । यसको सम्योजन नेपालस्थित अमेरिकी राजदूतावासले गरेको थियो ।