निबन्धकार तथा नियात्राकार नयाँघरेलाई जीवन स्मृति पुरस्कार

निबन्धकार तथा नियात्राकार युवराज नयाँघरेलाई यस बर्षको जीवन स्मृति पुरस्कार प्रदान गरीने भएको छ । जीवन स्मृति प्रतिष्ठान झापाले जीवन स्मृति पुरस्कारका लागि नयाँघरेको नाम छनौट गरेको हो । प्रतिभा छनौट समितिको सिफारिसमा कार्यसमितिले निबन्धकार तथा नियात्राकार नयाँघरेलाई नेपाली निबन्ध लेखनमा विशेष योगदान पु¥याएको भन्दै पुरस्कार दिने निर्णय गरेको हो । नयाँघरेको निबन्ध र नियात्रामा बिज्ञता छ । नयाँघरे नेपाली साहित्य र पाठककाबीच चर्चित हुनुहन्छ भने उहाँका निबन्ध र नियात्रा पनि पाठककाबीच लोकप्रियछन् ।
यसैगरी लीला उदासी, कलाकार विक्रमश्री, कथाकार रीता ताम्राकारलाई पुरस्कृत प्रतिभा छनौट गरेको छ । साथै युवा प्रतिभा प्रोत्साहन पुरस्कारका लागि खुशी चोमू शेर्पालाई छनौट गरेको कुरा सस्थाका सचिव धनकुटे कान्छाले जानकारी दिनुभयो ।
जीवन आचार्य ३० को दशकका चर्चित कवि, कलाकार, डिजाइनर तथा स्तम्भकार हुन् । उनको नाममा जीवन स्मृति प्रतिष्ठान स्थापना भई हरेक वर्ष सस्थाले प्रतिभा पुरस्कार प्रदान गर्दै आएको छ । उक्त पुरस्कारहरु जीवन आचार्यको स्मृति दिवसको अवसरमा जेठ महिनामा कार्यक्रम गरी प्रदान गरिने छ । जीवन स्मृति प्रतिभा पुरस्कार जनही २० हजार एकसय ११ नगद र ताम्रपत्र साथै जीवन स्मृति युवा पुरस्कार दशहजार एकसय एघार नगद र ताम्रपत्रसहित पुरस्कृत गरिने छ ।