Trending
Wednesday, April 30, 2025
प्रधानमन्त्री केपी शर्मा ओलीले आज प्रतिनिधिसभामा सांसदहरुको प्रश्नको जवाफ दिने भएका छन् ।
प्रतिनिधि सभाको आज विहान ११ बजेदेखि बस्ने बैठकमा हरेक महिना सांसदहरुले प्रधानमन्त्रीसँग गरिदै आएको प्रत्यक्ष प्रश्नोत्तरको कार्यसूची रहेको छ ।
हरेक महिना सांसदहरुले प्रश्न सोध्ने र प्रधानमन्त्रीले जवाफ दिने गरिदै आएको भए पनि यसको प्रकृया र प्रभावकारिता बारे भने प्रश्न उठ्दै आएका छन् । यो प्रश्नोत्तर बढी औपचारिक मात्र भएको आम रुपमा प्रतिक्रिया आउने गरेको छ ।
सांसदहरुले धेरै दिन अघि सोधेको लिखित प्रश्नको उत्तर प्रधानमन्त्रीले लिखित नै ल्याएर पढेर सुनाउने गरेको दृश्य प्रभावकारी नदेखिने टिप्पणी हुदै आएको छ ।
