Trending
Monday, November 17, 2025
उपराष्ट्रपति रामसहायप्रसाद यादवले मुस्लिम समूदायको इफ्तार कार्यक्रमको माध्यमबाट इस्लाम धर्मावलम्बीहरुले आफ्नो ध्यान आत्मस्वंयमा बृद्धि गर्ने प्रयास गर्नाले समूदायको आध्यात्मलाई थप बलियो बनाउन सहयोग गर्ने बताउनु भएको छ । इफ्तारको अवसरमा मुस्लिम आयोगले मंगलबार ललितपुरमा गरेको कार्यक्रममा उहाँले सामाजिक भोजन गर्ने, अल्लाहलाई स्मरण गर्ने, गरिव र असहायलाई भोजन गराउनेलगायतको परम्पराले सामुहिक, सामाजिक, पारिवारिक र भाईचाराको सम्बन्धलाई प्रगाढ हुने र आध्यात्मीक तथा सहयोगी भावनाको बिकास हुने बताउनुभयो । मुस्लिम आयोगका अध्यक्ष समिममियाँ अन्सारीले मुस्लिम समुदायमा रमजान महत्वपुर्ण महिनाको रुपमा रहेको बताउनुभयो । उहाँले यो महिना पवित्र महिनाको रुपमा रहेको भन्दै पवित्र कुरान अवतरण यहि महिनामा भएको भन्दै रोजा बस्ने चलन रहेको पनि बताउनुभयो । कार्यक्रममाम सर्वोच्च अदालतका न्यायाधिश अबदुल अजिज मुसलमान, सांसदहरु बिभिन्न देशका राजदूतहरुकोसमेत सहभागिता थियो ।
