Trending
Wednesday, May 21, 2025
नेपाली कांग्रेसका नेता डा. शेखर कोइरालाले सरकारले ल्याएको सामाजिक सुरक्षा विधेयक अभिव्यक्ति स्वतन्त्रताविरोधी भएको बताएका छन् । जीपी फाउन्डेसनले भक्तपुरमा गरेको कार्यक्रममा नेता कोइरालाले हिजो कांग्रेसले संसद्बाट फिर्ता गराएको विधेयक कांग्रेस सरकारमा भएकै बेला आउनु दुःखद भएको बताए ।
“सामाजिक सञ्जाल विधेयक अभिव्यक्ति स्वतन्त्रतामा प्रतिबन्ध लाउने गरी आएको छ । हामीले के बिर्सियौँ भने ओलीजी प्रधानमन्त्री हुँदा गोकुल बाँस्कोटाजीले ल्याएको विधेयक नै अहिले ल्याइएको छ,” कोइरालाले भने, “हामीले नै त्यसबेला त्यो विधेयक फर्काएका हौँ । अहिले त्यही विधेयक ल्याउने भए किन फर्कायौँ ?”
कोइरालाले अध्यादेश सरकार अप्ठ्यारोमा पर्ने बाध्यात्मक अवस्थामा ल्याउनुपर्ने भन्दै सहजताका लागि अध्यादेश जारी गर्नु लोकतान्त्रिक नभएको बताएका थिए ।
