भारतका अनुभवी पर्वतारोही अर्जुन वाजपेईले शिशापाङ्मा हिमालकमो आरोहण गर्ने भएका छन् । उनले चीनमा रहेको शिशापाङ्मा हिमाल आरोहणका लागि त्यसतर्फ गएको जानकारी दिएकाछन् ।

शिशापाङ्मा हिमाल विश्वको चौधौ अग्लो हिमाल हो । उक्त हिमालको सफल आरोहणसँगै विश्वका आठ हजार मिटर अग्ला ८ वटा हिमालको आरोहण गर्ने उनी भारतको पहिलो आरोही हुनेछन् ।

उनले शिशापाङ्मा हिमाल सेभेन समिट ट्रेक कम्पनीबाट आरोहण गर्न लागेका हुन् । अलिहेसम्म उन्ले सगरमाथा, ल्होत्से, मनास्लु, मकालु, चोयु, कञ्चनजङ्घा, अन्नपूर्ण गरी विश्वका आठ हजार मिटर अग्ला ७ वटा हिमालको सफलतापूर्वक आरोहण गरिसकेका छन् । १६ वटा एक्स्पडिशन गर्ने उनी एक मात्र भारतीय नागरिक हुन् ।

अर्जुन शिशापाङ्मा हिमालको सफल आरोहणसँगै भारतका लागि इतिहास रच्ने तयारीमा छन् । उन्ले यसअघि नै सबैभन्दा कान्छो आरोहीको रूपमा दुई वटा आठ हजार मिटर अग्ला हिमालको सफलतापूर्वक आरोहण गरी गिनिज वर्ल्ड रेकर्ड राख्न सफल भएका थिए ।

सन् २०१० मा १६ वर्ष ११ महिना १८ दिनको उमेरमा उनले सगरमाथा र २०११ मा १७ वर्षको उमेरमा ल्होत्से हिमालको आरोहण गरेका थिए । उन्को लक्ष्य विश्वका आठ हजार मिटर अग्ला १४ वाटै शिखरमा आरोहण गर्ने पहिलो भारतीय बन्ने रहेको छ । उन्ले सगरमाथा २०१०, ल्होत्से २०११,मनास्लु २०११, मकालु २०१६, चोयु २०१६,कञ्चनजङ्घा २०१८ र अन्नपूर्णको २०२३ मा सफल आरोहण गरी सकेकाछन् ।

मङ्लबार, १५ अशोज, २०८१ गते