पाकिस्तानले मनायो ७८ औ स्वतन्त्रता दिवस, राजदूत हास्मीले नेपाल–पाकिस्तान सम्बन्धमा दिए जोड

पाकिस्तानले आज आफ्नो ७८ औँ स्वतन्त्रता दिवस भव्य रुपमा मनाएको छ । कार्यक्रम उपराष्ट्रपति रामसहायप्रसाद यादवको प्रमुख आतिथ्यमा भएको थियो । कार्यक्रममा नेपालका लागि पाकिस्तानका राजदूत अब्ररर एच हास्मीले नेपालसँगको सहयोग र साझेदारी बढाउन पाकिस्तान प्रतिबद्ध रहेकोमा जोड दिए । उन्ले नेपाललाई पाकिस्तानले निरन्तर सहयोग गर्ने प्रतिबद्धता पनि जनाए । उन्ले डाक्टर, पत्रकार, इञ्जिनियर, पाईलटलगायत सात हजारभन्दा बढी पाकिस्तानमा दीक्षित नेपालीले नेपालको प्रगतिका निम्ति आ–आफ्नो क्षेत्रबाट योगदान गरिरहेको पनि बताए ।पाकिस्तान र नेपाल जलवायु परिवर्तनका दुष्प्रभाव र त्यसको जोखिममा रहेका, दुवै देशका हिमालय क्षेत्र पारिस्थितिकीय रूपले कमजोर रहेका, हिमनदी पग्लने र हिमताल विष्फोट हुने जोखिम रहेको बताउँदै उनले दीर्घकालीन रूपमा त्यसले खाद्य र जल सुरक्षामा चुनौती थप्ने उल्लेख गरे । उनले यो क्षेत्रका समुदायको हित र दिगो विकासका लागि ती चुनौतीलाई सम्बोधन गर्नुपर्नेमा पनि जोड दिए । पाकिस्तान विश्वका सबै राष्ट्रसँग हार्दिक एवं शान्तिपूर्ण सम्बन्ध कायम गर्न प्रतिबद्ध रहेको बताउँदै राजदूत हास्मीले संयुक्त राष्ट्रसंघीय शान्तिसेनाका माध्यमबाट विश्व शान्तिका खातिर पाकिस्तानले योगदान गरिरहेको पनि जानकारी दिए ।पाकिस्तान र नेपालबीच भौगोलिक एवं सांंस्कृतिक समानता रहेका बताउँदै उनले सर्वोच्च शिखर सगरमाथा र के टु, लुम्बिनी र तक्षशिला यसका केही उदाहरण भएको उन्को भनाई थियो । उन्ले संयुक्त राष्ट्रसंघ र दक्षिण एसियाली क्षेत्रीय सहयोग संगठन (सार्क)मा अझ विशेष रहेको उनले बताए ।
समारोहमा उपसभामुख इन्दिरा राना, पूर्वप्रधानमन्त्री माधवकुमार नेपाल, सांसद, पूर्वउपप्रधानमन्त्री सिपी मैनाली, पूर्वमन्त्री, यहाँस्थित कूटनीतिक नियोगका प्रमुख, नेपाल सरकारका उच्च पदस्थ अधिकारी, उद्यमी–व्यवसायी, समाजका प्रतिष्ठित व्यक्तित्वहरुको सहभागिता थियो ।