तुलसीपुरको ‘क’ लाइन अहिले रातको समयमा झिलिमिली हुन्छ । यसले तुलसीपुर सुरक्षित छ भन्ने सन्देश दिनुका साथै शौन्दर्य पनि थपेको छ । अहिले तुलसीपुरलाई शृङ्गारिएको छ । तुलसीपुरको वीरेन्द्र चोकमा ठूलो हाइमास्टर लाइट जडानसमेत भएको छ । यसले तुलसीपुरलाई थप उज्यालो प्रदान गरेको छ । त्यस्तै अन्य स्थानका सडक पोलमा बत्ती पनि जडान गरिएको छ ।

तुलसीपुर उपमहानगरपालिकाका सूचना अधिकारी बाबुराम न्यौपानेले पछिल्लो समय तुलसीपुर उज्यालोमा परिणत भएको बताए । तुलसीपुर उपनगरपालिकाको करिब ६ लाख ५० हजार लागतमा तुलसीपुरको ‘क’ लाइनमा सडक बत्ती र झिलीमिली बत्ती जडानको काम भएको बताए । न्यौपानेले तुलसीपुरको ‘क’ लाइनको ३० वटा पोलमा सडक बत्ती जडान गरिएको बताए । त्यस्तै एक सय आठवटा झिलीमिली बत्ती जडान भएका छन् ।

ती बत्ती रातमा बल्न थालेपछि अहिले तुलसीपुरको रौनक फरक भएको छ । प्रदेश सरकारको सहयोग र तुलसीपुर उद्योग वाणिज्य संघको समन्वयमा तुलसीपुरका पाँच स्थानमा हाइमास्टर लाइट जडान हुने सूचना अधिकारी न्यौपानेले बताए । उनका अनुसार वीरेन्द्र चोकमा हाइमास्टर लाइट जडान भएको छ भने अब गुम्राह चोक, बसपार्क, हात्तीखौवामा पनि बत्ती जडान गर्ने तयारी गरिएको छ । हाइमास्टर लाइट जडान भएपछि तुलसीपुर बजारमा उज्यालो थपिने छ ।

तुलसीपुर बजारका सबै स्थानमा सडक बत्ती नहुँदा समसाँझै बजार सुनसान हुन्थ्यो तर पछिल्लो समयमा तुलसीपुर उपमहानगरपालिका रातमा पनि उज्यालो तुलसीपुर बनाउने अभियानमा लागेको छ । तुलसीपुर उपमहानगरले आर्थिक वर्ष २०८१/०८२ को नीति तथा कार्यक्रममा सहर र आवासीय क्षेत्रमा सडक बत्ती र सिसी–क्यामरा जडान गरी उज्यालो र सुरक्षित तुलसीपुर बनाइने नीतिसमेत अगाडि सारेको छ ।

‘तुलसीपुर बजारका मुख्य ‘क’ लाइनदेखि अन्य क्षेत्रमा रहेका सडकबत्ती मर्मत तथा जडान गरी तुलसीपुरलाई उज्यालो तुलसीपुर बनाउने हाम्रो योजनाअनुसार काम भइरहेको छ भने सहकार्य पनि गर्नु भएको छ,’ सूचना अधिकारी न्यौपानेले भने । सडक बत्ती नहुँदा व्यावसायिक असुरक्षा खेपिरहेका तुलसीपुरका व्यवसायी रातमा पनि तुलसीपुर झकिझकाउ भएपछि खुसी व्यक्त गरेका छन् । ‘तुलसीपुर बजारका मुख्य ‘क’ लाइन अहिले झिलिमिली भएको छ, रातमा पनि तुलसीपुर उज्यालो भएपछि विशेष गरेर व्यवसायी खुसी भएका छौँ,’ व्यवसायी माधव केसीले भने ।

त्यस्तै यसअघि तुलसीपुर अन्धकार देखेकी छिमेकी जिल्ला रुकुम पश्चिमबाट आएकी कल्पना वलीले तुलसीपुरको मुख्य सडक झिलिमिली देख्दा रोमाञ्चित र खुसी भएको बताइन् । ‘एक महिनाअघि म नेपालगञ्जबाट आउँदै गर्दा वीपी चोक अन्धकार थियो तर हिजो त कहाँ आएँछु भन्ने लाग्यो, उज्यालो तुलसीपुर देखेर खुसी र सुरक्षित महसुस भयो,’ उनले भनिन् ।

यता तुलसीपुर उद्योग वाणिज्य संघले ‘सुन्दर तुलसीपुर, सुरक्षित तुलसीपुर अभियान’ थालेको छ । तुलसीपुर उद्योग वाणिज्य संघका अध्यक्ष बिनिल केसीले सुरक्षित तुलसीपुरको सन्देश आवश्यक रहेको भन्दै कार्य योजना बनाएर तुलसीपुरमा लगानीको वातावरण र आम उपभोक्ताको उत्साहजनक सहभागिताका लागि यो अभियान थालिएको बताए ।

हरेक क्षेत्रबाट सुरक्षित तथा सुन्दर तुलसीपुर प्रति नकारात्मक सन्देश प्रवाह गरिएकाले त्यसविरुद्ध आमनागरिक, अधिकारकर्मी, सञ्चारकर्मी र निजी क्षेत्र लाग्नुपर्ने भन्दै उनले त्यसका लागि छलफल अगाडि बढेको बताए । त्यससँगै अब निजी क्षेत्र तथा सरकारी कार्यालय स्थानीय सरकारसँगको समन्वय गरी बजारमा सुरक्षाका लागि सिसीक्यामरासमेत जडान गर्ने योजना रहेको उनले बताए ।

‘अहिले उज्यालोका लागि लाइट जडानसँगै धेरै काम सुरु भएका छन् । पुराना सिसीक्यामेरा मर्मत र नभएका स्थानमा नयाँ सिसी क्यामेरा जडान गर्ने विषयमा छलफल भइरहेको छ,’ केसीले भने । त्यस्तै रोटरी क्लबसँगको सहकार्यमा अहिले घोराही रोडमा ग्रीन–बेल्टमा हरियाली बनाउन लागेको भन्दै अब सरसफाइ अभियानलाई निरन्तरता दिने उनले बताए । अभियानअन्तर्गत थालिएका यी सबै प्रयास सफल भए तुलसीपुुर बजार सुन्दरसँगै सुरक्षित बन्ने विश्वास तुलसीपुरबासीले लिएका छन् ।

मङ्लबार, २५ असार, २०८१ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !