ऐतिहासिक पर्यटकीय क्षेत्र रानीमहल बाढीको चपेटामा परेको छ । पाल्पाको तानसेन नगरपालिका–१३ कालीगण्डकी तटमा रहेको रानीमहल नदीमा आएको बाढीले जोखिममा परेको हो । तानसेन नगरपालिका र बगनासकाली गाउँपालिकाले तटबन्धको काम नगर्दा हरेक वर्ष रानीमहल बाढीको जोखिममा पर्दै आइरहेको छ ।

तानसेन–१३ का वडाध्यक्ष टुकप्रसाद भट्टराईले रानीमहलनजिक निर्माण गरिएको पार्क बाढीले डुबाएको बताए ।

‘रानीमहल अलि माथि छ, त्यसैले बढी जोखिममा छैन,’ अध्यक्ष भटटराईले भने, ‘पर्यटकलाई लक्षित गरी बनाइएको पार्क डुबायो । त्यहाँ खाजा–नास्ताका लागि बनेका ८–१० वटा खाजा घर पनि डुबेका छन् ।’

कालीगण्डकी नदीमा पछिल्लो ८–१० वर्ष यताकै ठूलो बाढी आएको उनको भनाइ छ । तानसेनदेखि १३ किलोमिटर टाढा रहेको रानीमहल क्षेत्रमा नदी गहिरिएको छ । कटान गर्दै गएकाले खतरा बढेको सशस्त्र प्रहरीको गोताखोर टोलीको रिपोर्टमा उल्लेख छ ।

यहाँ नदीले रानीमहलतर्फ बढी क्षति पुर्याउँदै आएको छ । तत्कालीन जनरल खड्गशमशेर राणाले आफ्नी रानी तेजकुमारीको सम्झनामा विसं १९५१ देखि ५४ सालसम्म तीन वर्ष लगाएर रानीमहल बनाएका हुन् । यसको संरक्षण गर्न १० वर्षका लागि तानसेन नगरपालिकालाई हस्तान्तरण भए पनि काम हुन सकेको छैन

आइतवार, २३ असार, २०८१ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !