लुम्बिनी बौद्ध विश्वविद्यालयको योजना तथा अनुगमनको निर्देशकमा डा. कुलप्रसाद खनाल नियुक्त

लुम्बिनी बौद्ध विश्वविद्यालयले योजना तथा अनुगमनको नयाँ निर्देशकमा डा. कुलप्रसाद खनाल नियुक्त भएकाछन् । डा. खनाललाई बुद्ध अध्ययन संकायका डीन डा. मनिका रत्न शाक्यले यहि असार ९ गते विश्वविद्यालयमा औपचारिक रूपमा स्वागत गरेका थिए । विश्वविद्यालयले सञ्चालन गरेको प्रतिस्पर्धात्मक खुला भर्ना प्रक्रियाबाट डा.खनाल उक्त पदका लागि छनोट भएका हुन् । लुम्बिनी बौद्ध विश्वविद्यालयमा डा. खनाललाई स्वागत गर्न पाउँदा खुसी लागेको डा. मनिकारत्न शाक्यले बताईन् ।उन्को अनुभव र ज्ञान अमूल्य हुने भएकाले यसमा शैक्षिक कार्यक्रमहरूको विकास र वृद्धि गर्न सहज हुने उन्को भनाई थियो । डा.खनालले बौद्ध शिक्षाको प्रवर्द्धन गर्ने विश्वविद्यालयको मिसनलाई अगाडि बढाउन आफ्नो विशेषज्ञता प्रयोग गर्ने प्रतिबद्धता व्यक्त गरे । उन्ले साझा लक्ष्यहरू प्राप्त गर्नका लागि प्राध्यापक, कर्मचारी र विद्यार्थीहरूसँग काम गर्न तयार रहेको पनि बताए । कार्यक्रममा विश्वविद्यालयको केन्द्रीय कार्यालयका सबै अधिकारी, शिक्षक र कर्मचारीहरूको उपस्थिति रहेको थियो, जसले विश्वविद्यालयको प्रशासनिक र शैक्षिक ढाँचालाई सुदृढ गर्नको लागि जारी रहेको प्रयासमा महत्त्वपूर्ण क्षणको रुपमा लिएको छ । लुम्बिनी बौद्ध विश्वविद्यालयले डा. खनालको मार्गदर्शनमा विकास र उत्कृष्टताको नयाँ युगको अपेक्षा गरेको छ ।