संखुवासभाका पत्रकार कार्कीलाई खेलकुद पत्रकारिता पुरस्कार

संखुवासभाका सक्रिय पत्रकार भविन कार्कीले संखुवासभा खेलकुद पत्रकारिता पुरस्कार प्राप्त गरेका छन् । खेलकुद पत्रकारिता पुरस्कारबाट नेपाल टेलिभिजन तथा राष्ट्रिय समाचार समिति संखुवासभा समाचारदाता कार्की सम्मानित भएका हुन् । संखुवासभाको खाँदबारी नगरपालिका –३ मानेभञ्याङमा सम्पन्न जिल्ला लिग फुटबल प्रतियोगिताको समापन कार्यक्रममा ‘संखुवासभा खेलकुद पत्रकारीता पुरस्कार’ बाट सम्मानित गरिएको हो ।

पत्रकार कार्कीलाई खाँदबारी नगरपालिका नगर प्रमुख महेश थपलियाले दोसल्ला, कदरपत्र नगद रु २० हजार सहित प्रदान गरेका थिए ।
कार्यक्रममा जिल्ला फुटबल संघका अध्यक्ष भरतकुमार घिमिरेले खेलकुद क्षेत्रको विकास तथा जिल्लाका खेल गतिविधिलाई जनसमक्ष पुर्याएबापत पत्रकार कार्कीलाई पुरस्कृत गरिएको बताए ।

खेल क्षेत्रको विकास, विस्तारमा पत्रकारिताको माध्यमबाट योगदान पु¥याएबापत सम्मान गरिएको अध्यक्ष घिमिरले बताए । पत्रकार कार्की संखुवासभा जिल्लामा रहेर खेलकुद आर्थिक,समाजिक लगायत विभिन्न क्षेत्रमा कलम चलाउँदै आउनु भएको छ । उनी एक दशक अघि देखि पत्रकारितामा आवद्ध छन् ।