Trending
Tuesday, April 29, 2025
हिमालय भोटे समाजको अध्यक्षमा मिथुन चाङ्वा भोटे निर्वाचित भएकाछन् । हिजो काठमाडौमा हिमालय भोटे समाजको २० औ साधरणसभा तथा १० औ अधिवेशनबाट भोटे अध्यक्षमा सर्वसम्मत निर्वाचित भएका हुन् । हिमालय भोटे समाजका संस्थापक अध्यक्ष तेम्बा भोटेको प्रमुख आतिथ्यता तथा निर्वतमान अध्यक्ष जम्लिङ भोटेको सभापतित्वमा भएको अधिवेशनले उपाध्यक्षमा ठिजुङ भोटे, महासचिवमा तेम्बा भोटे र सचिवमा रिनेन भोटेलाई पनि सर्वसम्मत निर्वाचित गरेको छ ।
सदस्यहरुमा निशा भोटे,फुटिक भोटे, ङिमा छिरीङ भोटे र पोन्डुक भोटे सर्वसम्मत भए । संखुवासभा जन्मथलो भई काठमाडौलाई कर्मथलो बनाएर बसोबास गर्दे आएका भोटे समुदायको मुल संस्थाको रुपमा हिमालय भोटे समाजले काम गर्दे आएको छ । यो संस्थाले २०५९ सालदेखि स्थापना भएर भोटे समूदायको हक, अधिकार, शिक्षा, स्वास्थ्य र बिकासको क्षेत्रमा काम गर्दे आएको छ । युवा नेताको रुपमा बिभिन्न काम गर्दे आएका मिथुन चाङ्वा भोटे पछिल्लो समय सामाजिक काममा पनि सकृय छन् । भोटे नेपाल भोटे जनजाति सेवा संघको सल्लाहकार समेत हुन् ।
