गोरखाको मनास्लु क्षेत्रमा रहेको वीरेन्द्र ताल हिमपहिरोका कारण फुटेको छ । आज (आइतबार) बिहान माथिबाट हिमपहिरो खसेपछि चुमनुब्री गाउँपालिकामा पर्ने उक्त ताल फुटेको गोरखाका प्रमुख जिल्ला अधिकारी भोला दाहालले जानकारी दिए ।

उनले हिमपहिरोका कारण ताल फुटेर बाढी आएको भए पनि जनधनको क्षति भने नभएको बताए । ताल भएको क्षेत्र नजिक बस्ती नभएको र तालको आसपासका क्षेत्रमा रहेका बस्तीलाई सम्भावित जोखिमलाई ध्यानमा राखी सतर्कता अपनाउन भनिएको बताए ।

जिल्ला प्रहरी कार्यालयका प्रहरी उपरीक्षक वासुदेव पाठकका अनुसार ताल फुटेर आएको बाढीले एउटा कच्ची पुल बगाएको छ । उनले ताल फुटेर ठूलो बाढी नआएका कारण डराउनुपर्ने अवस्था नरहेको भन्दै जोखिमलाई ध्यानमा राखी आसपासका बस्तीमा सतर्कता अपनाउन भनिएको बताए । यता वीरेन्द्र ताल फुटेर बूढीगण्डकीमा बहाव बढेकाले तल्लो तटीय क्षेत्रमा सतर्क रहेन गृह मन्त्रालयले आग्रह गरेको छ ।

‘हिउँ पहिरोले ताल फुट्दा बूढीगण्डकी नदीमा पानीको बहाव उच्च भएको छ । बिहान पौने नौं बजेतिर तालमा ठूलो हिउँ पहिरो झरेको स्थानीयले बताएका छन्,’ गृह मन्त्रालयका प्रवत्ता नारायणप्रसाद भट्टराईले भने । बाढीले नदी आसपास क्षति गर्न सक्ने भन्दै गृह मन्त्रालयले तल्लो तटीय क्षेत्रका बासिन्दालाई सतर्क रहन आग्रह गरेको छ । ‘बाढीले क्षति गर्ने संभावना हुन्छ । बाढी आउनुपूर्व नै सुरक्षित रहन अपील गर्दछौं’, उनले भने ।

ताल रहेको क्षेत्र चुननुब्री– १ सामागाउँबाट झण्डै दुई घण्टाको पैदल दूरीमा पर्ने चुमलुब्री गाउँपालिका–१ की वडा सदस्य दिजेन लामाले जानकारी दिइन् । हाल घटनास्थलमै रहेकी वडासदस्य लामाले तालमा माथिबाट ठूलो पहिरो खसेकाले एकै पटक ठूलो परिणाममा तालको पानी बाहिरिँदा बाढी आएको बताइन् । ‘बाढी अत्यन्तै ठूलो छ,’ उनले सुनाइन्, ‘वर्खामा कालीगण्डकीमा आउने भन्दा पनि ठूलो बाढी अहिले कालीगण्डकीतर्फ अघि बढिरहेको छ । हामीले नदी आसपास क्षेत्रका स्थानीयलाई सतर्क रहन सूचना गरेका छौँ ।’

आइतवार, ९ बैशाख, २०८१ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे