Trending
उपराष्ट्रपति रामसहयप्रसाद यादवसँग आज नेपालका लागि पाकिस्तानका राजदूत अबरार हाश्मीले भेटघाट गरेकाछन् । उनले काठमाडौस्थित उपराष्ट्रपतिको कार्यालयमा भेट गरेका हुन् । सुरुमै नयाँबर्ष २०८१ सालको एकआपसमा शुभकामना आदानप्रदान गरेका थिए ।
राजदुत हाश्मिसंग नेपाल पाकिस्तान द्विपक्षीय सम्बन्ध, व्यापार तथा आर्थिक सहयोग, शैक्षिक तथा सांस्कृतिक सहयोग र क्षेत्रीय तथा अन्तर्राष्ट्रिय सहयोगका विषयमा छलफल भएको थियो । उपराष्ट्रपति यादवले सन् १९६० मार्च २० मा कूटनीतिक सम्बन्ध स्थापना भएदेखि नै नेपाल र पाकिस्तानबीच घनिष्ठ र सुमधुर सम्बन्ध रहेको बताउँदै उनले भने, ‘हामीले अर्थमन्त्रीस्तर र द्विपक्षीय राजनीतिक तहमा संयुक्त आर्थिक आयोग (जेईसी) स्थापना गरेका छौं ।
परराष्ट्र सचिव स्तरमा परामर्श संयन्त्र (बीसीएम)। यी संयन्त्रहरू मार्फत वार्ता र सम्पर्क जारी राख्न आवश्यक छ । उनले दुई देशबीचको उच्चस्तरीय भ्रमणको आदानप्रदानले हाम्रो सम्बन्धका सबै पक्षमा सधैं गतिशीलता र गुणस्तर अभिवृद्धि भएको पनि बताए । उपराष्ट्रपति यादवले नेपाल र पाकिस्तानले व्यापार र आर्थिक क्षेत्रमा सहयोग विस्तार गर्नुपर्नेमा जोड दिए ।
नेपालकालागि पाकिस्तानका राजदूत हाश्मिले नेपाल र पाकिस्ताबीचको सम्बन्ध समधुर रहेको भन्दै आगामि दिनमा थप बलियो हुने विश्वास व्यक्त गरे । उन्ले आगामी दिनमा नेपालको हरेक क्षेत्रमा सहयोग गर्न पाकिस्तान तयार रहेको पनि बताए । पाकिस्तान र नेपालबीच एक आपसमा सामाजिक, साँस्कृतिक, पर्यटकीय र खेलकुद क्षेत्रमा सम्बन्ध पहिलेदेखिनै भएको भन्दै यो सम्बन्ध सधैभरी र अझ दरिलो हुदै जाने बिश्वास व्यक्त गरे ।