जुम्लाका युवा युवतिहरू रैथाने बालीको परिकार बनाउने सिप सिक्न थालेका छन् । रोजगारी सृजना, रैथाने बालीको उत्पादन वृद्धि र आयआर्जनको लक्ष्य सहित जुम्लाका युवा रैथाने बालीबाट बन्ने विभिन्न परिकार बनाउने सिप सिक्न थालेका हुन् ।

घरमा नियमित खाई रहने अन्नबालीबाट विभिन्न परिकार बनाउन सिके सँगै आफ्नै व्यवसाय सुरु गर्ने ऊर्जा मिलेको तातोपानी गाउँपालिका ३ का प्रकाश सुनारले बताए । जुम्लामा उत्पादन हुने चिनो,कागुनो, मकै, कोदो फापर, आलु लगायतका अन्नबालीबाट थरीथरीका मिठा परिकार बनाउँदै भ्याई नभ्याई छ ।

उनले भने,‘आलुबाटै धेरै थरी खाने कुरा बन्दो रहेछ । कोदो,फापरको पिठोबाट केक, पिजा बन्ने रैछ । अर्ग्यानिक स्वाद आउने पर्यटक र उपभोक्तालाई चखाएमा आम्दानी मनग्य हुने सम्भावना पनि छ । आफ्नै व्यवसाय गरेपनि अथवा कतै होटलमा काम गर्दा सिपले सघाउ पुर्‍याउने छ ।’

परिकार बनाउने तालिम लिएसँगै होटल व्यवसाय नखोलेपनि घरमा नियमित एउटै खाना खानु भन्दा त्यही पिठो,आलुबाट थरीथरीका परिकार बनाउन सिकेको तिला गाउँपालिका २ की कृष्णकली बुढाले बताए । सिप सिकेर पहिलो आफ्नै होटल खोलेर सिपको प्रयोग गर्ने,पुँजीले नपुगे होटलमा काम गर्दा सहज हुने उनको अपेक्षा छ ।

प्रकाश सुनार र कृष्णकली बुढा मात्र हैन जुम्लामा किर्डाकले सञ्चालन गरेको कुक तालिममा जुम्लाका १० जना युवा–युवतीले रैथाने बालीको परिकार बनाउने सिप सिकिरहेका छन् । बेरोजगार भएर बसेका युवालाई स्वरोजगार बनाउने उद्देश्यले सञ्चालित तालिममा विभिन्न देशबाट कुक तालिम लिएर फर्किएका चित्र बुढाले परिकार बनाउन सिकाई रहेका छन् ।

युवाहरू व्यवसाय थालनी तथा आयआर्जन वृद्धिको लागि रैथाने बालीकै परिकार बनाउने सिप सिक्न थालेको प्रशिक्षक चित्र बहादुर बुढाले बताए । उनले भने,‘एक महिने तालिमको २० औँ दिन पार भई सकेको छ । १०र१० दिनमा परिकार बनाएर अतिथिलाई टेष्ट गराउने गरेका छौ । २० दिनको अवधिमा आलुबाट बन्ने, चिप्स, बिस्कुट, नम्कीन, पिठोबाट बन्ने केक,पिजा लगायतका परिकार बनाउन सिकाइएको छ । युवाहरू निकै इच्छुक छन् । तालिम फलदायी बनेको छ ।’

जुम्लामा थन्किएर रहेको,बजारमा रहेको अन्नबालीको केही परिकार बनाएर बजारमा ल्याउने र आम्दानी वृद्धिसँगै युवालाई रोजगार सँग जोड्न परिकार बनाउने तालिम सञ्चालन गरिएको किर्डाक नेपाल जुम्लाका जिल्ला संयोजक दिपराज रावतले बताए । उनका अनुसार वर्ल्ड भिजनको सहयोगमा किर्डाक द्वारा सञ्चालित ९राईच टु० परियोजना मार्फत कुक एक महिने कुक तालिम सञ्चालन गरिएको हो ।

कुकसंगै अटो वर्कसप, मोबाइल मर्मत, पलम्बीङ, हाउस वईरिङ, फर्निचर तथा सिलाई कटाइको न्यूनतम एक महिना देखि ४५ दिन सम्मको तालिम सञ्चालन भइरहेको छ । सबै तालिमबाट करिब ८० जना युवा युवती प्रत्यक्ष लाभान्वित छन् । सिप सिकेका युवालाई व्यवसायसँग जोड्न बैङ्क वित्तीय तथा सहकारी क्षेत्र सँग पनि सहकार्य भइरहेको छ ।

बुधबार, ३० फाल्गुन, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !