टोकीयोमा कवि तथा समाजसेवी सयपत्रीलागयतका कविहरुको पुस्तक बिमोचन

विश्व नेपाली साहित्य महासंघ जापान शाखाको आयोजनामा कवि तथा समाजसेवी सयपत्री थुलुङको विशेष गाउँ फर्किरहेको परदेशी टोकियो साँझ सम्पन्न भएको छ । त्यसैगरी कविद्वय प्रविण लामा अपरिचितको सिनकानसेनको देशबाट लोकार्पण, राजु स्याङतानको ‘ओ पेङ्दोर्जे’ प्रवास जापान विमोचन भएको छ । विशिष्ट अतिथिको रूपमा रहनुभएका नेपाली भाषा र साहित्यप्रेमी जापानी नागरिकहरू हारुहितो नोजु र युको ओकामोतोद्वारा सामूहिक दीप प्रज्वलन गरी नेपाली राष्ट्रियगान बजाएर कार्यक्रम शुरु भएको थियो । विश्व नेपाली साहित्य महासङ्घ, केन्द्रिय अध्यक्ष सुरेन्द्र लिम्बु ‘परदेशी’को प्रमुख अतिथि र विश्व नेपाली साहित्य महासङ्घ, केन्द्रिय महासचिव सुनिता राई कन्दाङ्वा विशिष्ट अतिथिको रूपमा अनेसास जापान शाखाका अध्यक्ष अरुण पौडेल, जनजाति पत्रकार महासङ्घ जापानका अध्यक्ष फुर्वा शेर्पा लगायतले सिनकानसेनको देशबाट र ओ पेङ्दोर्जेको सामूहिक विमोचन गरेका थिए । पहिलो चरणमा कृतिहरूको विमोचन तथा लोकार्पित कृतिका सर्जकहरूको भनाइ सुनिएको थियो । कवि राजु स्याङतानले ‘ओ पेङ्दोर्जे’ एउटा दस्ताबेजको रूपमा दाबी गर्दै नवपुस्ताको लागि यो कवितासङ्ग्रहले सेतुको काम गर्ने बताए । “पेङ्दोर्जे मेरै पुस्ताले खोज्नुपर्थ्यो र मैले खोजें“, उनले अगाडि थपे । लोकार्पित ‘सिनकानसेनको देशबाट’को सर्जक प्रविण लामा ‘अपरिचित’ले आफ्नो कर्मथलो जापानमा सिनकानसेन(बुलेट रेल) जसरी हरेक विकासका कामहरू द्रुत गतिमा कुद्छन् । त्यसरी नै आफ्नो मातृभूमि समेत भइदिए हुन्थ्यो भन्ने आशयमा लेखिएका कविताहरू सङ्गृहीत भएको बताए । अझ भनौँ नैतिक दबाब देशसम्म पुगोस् भन्ने चाहना रहेको बताए । दोस्रो चरणमा खुला रचना वाचन रहेको थियो । बिमन किराती, म्यामराज राई, दिलिप राई, गंगा गगन, अनिलकुमार ‘निर्दोष’, अरुण पौडेल, राजन घले, उमेश तिमिल्सिना, विजय स्याङ्बो लगायत करिब एक दर्जन साहित्यकारहरूले विभिन्न विधामा आफ्ना रचना सुनाएका थिए ।

कार्यक्रमको महत्त्वपूर्ण भाग अर्थात गाउककं फर्किरहेको परदेशी टोकियो साँझ तेस्रो चरणमा राखिएको थियो । उक्त चरणमा कवि सयपत्री थुलुङ्कको एकल कविता वाचन राखिएको थियो । करिब एक दर्जन जति उनका कविताहरू भर्खरै बजारमा आएको ं फर्किरहेको परदेशी कवितासङ्ग्रहमा सङ्गृहीत छन् । सयपत्रीको काव्य सामर्थ्य स्रोता, दर्शकलाई आफ्ना कवितामार्फत सुदूर सम्झनामा पुराउनु हो । यो साँझले पनि साँच्चिकै सबैलाई मन्त्रमुग्ध बनायो । कार्यक्रम समापन हुनुपहिले अर्थात अन्तिम चरणमा गङ्गा गगनको शब्द र भ्वाइस अफ नेपाल, सिजन –५ का विजेता विनोद राईको सङ्गीत र स्वरमा रहेको ’निबुखोले सोल्टिनी’ बोलको गीत सार्वजनिक गरिएको थियो । उपस्थित दर्शकहरू कम्मर मर्काउककंदै छमछमी नाचेका थिए । विनेसाम, जापान शाखाका लामा सदस्य, सयपत्री सहसचिव तथा गगन सचिव समेत हुन् । करिब तीन घण्टासम्म चलेको कार्यक्रम विनेसामका महासचिव रविन्द्र दिखुक्पाले सञ्चालन गरेका थिए । सभाध्यक्षको रूपमा रहेका विनेसाम, जापान शाखाको अध्यक्ष देवीबहादुर इङ्नाम लिम्बुले भर्चुअल तथा भौतिक रूपमा उपस्थित हुने सम्पूर्णमा धन्यवाद ज्ञापन गर्दै कार्यक्रम समापन भएको थियो ।